الماتىلىق دارىگەر كوروناۆيرۋس بەلگىلەرى انىقتالعان جاعدايدا ءوز بەتىنشە ەمدەلمەۋگە شاقىردى

الماتى. قازاقپارات - «جاس قانات» باستاپقى مەديتسينالىق- سانيتارلىق كومەك ورتالىعىنىڭ» جالپى تاجىريبە دارىگەرى مەرۋەرت كوشەنوۆا ونلاين بريفينگ بارىسىندا الماتىلىقتاردى كوروناۆيرۋس بەلگىلەرى انىقتالعان جاعدايدا ءوز بەتىنشە ەمدەلمەۋگە شاقىردى، دەپ حابارلايدى قازاقپارات ءتىلشىسى.

«ءۇي جاعدايىندا وزدەرىڭىزگە ەم- دوم جاساماڭىزدار. ەگەر دەنە قىزۋىنىڭ كوتەرىلۋى، تاماقتىڭ، كەۋدە قۋىسىنىڭ اۋىرۋى، جوتەل جانە ت. ب. بەلگىلەر پايدا بولسا، دەرەۋ تىركەۋ ورنى بويىنشا ەمحاناعا مەديتسينالىق كومەككە جۇگىنىڭىز. سيمپتومداردى ەلەۋسىز قالدىرۋعا بولمايدى. ەگەر ديسپانسەرلىك ەسەپتە تۇرساڭىز، ۇنەمى تەكسەرۋدەن ءوتىپ، ەمدەۋشى دارىگەردىڭ تاعايىنداۋلارىن قابىلداعان ءجون»، - دەيدى دارىگەر.

مەرۋەرت كوشەنوۆانىڭ ايتۋىنشا، ەپيدەميا باستالعاننان بەرى «جاس قانات» ەمحاناسىنا COVID-19-دىڭ سيمپتومسىز تۇرىمەن 145 ناۋقاس، جەڭىل تۇرىمەن 98 ناۋقاس باقىلاۋدا بولدى، شامامەن 80 ى اۋرۋحاناعا جاتقىزىلدى. امبۋلاتوريالىق كەزەڭدە كوروناۆيرۋس ينفەكسياسى بار 243 ناۋقاس ەمدەلىپ شىقتى.

«جالپى، بيىلعى جىلى فيلترگە جۇگىنگەن ادامداردىڭ سانى ارتتى. ماۋسىم- شىلدە ايلارىندا ەمحاناعا كۇنىنە 40 ادامعا دەيىن كەلىپ، كۇن سايىن 30 عا جۋىق ۇيگە شاقىرتۋلار بولدى. ءموبيلدى توپتىڭ دارىگەرلەرى 250 پاتسيەنتكە ۇيىندە قىزمەت كورسەتتى»، - دەيدى مەرۋەرت كوشەنوۆا.

اۆتور: الما مۇقانوۆا