وقۋلىقتارىمىزدا كەمشىلىك كوپ ەكەندىگىن مويىنداۋىمىز كەرەك - اسحات ايماعامبەتوۆ
«وقۋلىق دايىنداۋدىڭ جاڭا جۇيەسى تولىققاندى ەنگىزىلەتىن بولادى. بۇل پروبلەما باياعىدان بەرى كوتەرىلىپ كەلەدى. شىندىعىندا دا، ءبىزدىڭ وقۋلىقتارىمىزدا وتە كوپ كەمشىلىك بار ەكەندىگى تۋرالى فاكتىنى مويىنداۋىمىز كەرەك. تولىقتاي العاندا وقۋلىق دايىنداۋ جۇيەسىنىڭ ءوزى جەتىلمەگەن. بۇل تەك باسپانىڭ، اۆتوردىڭ نەمەسە وزگە دە قانداي دا ءبىر توپتىڭ كىناسى دەپ ايتۋعا بولمايدى. بۇل جەردە ءسوز بارلىق پروتسەستى قايتا باعدارلاۋ جانە جاڭعىرتۋ جايىندا بولىپ وتىر»، - دەدى مينيستر پەداگوگتار مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسى بارىسىندا.
مينيستر بۇل باعىتتاعى جۇمىستاردىڭ قازىرگى ۋاقىتتا جۇرگىزىلىپ جاتقاندىعىن ايتتى.
«وقۋلىقپەن جۇمىس جالپى مىندەتتى ستاندارتتاردىڭ وزىنەن، ۇلگىلىك جوسپارلار مەن باعدارلامالاردان باستالىپ، ودان ارى ساراپتاما، بەيىمدەۋ ماسەلەلەرى، اۆتورلاردى دايىنداۋ، اۆتورلاردى وقىتۋ، باسپامەن جۇمىستى قامتيدى. ياعني، وسىناۋ بيزنەس پروتسەستەردىڭ بارلىعى قازىرگى ۋاقىتتا جاڭا فورماتتا جۇزەگە اسىرىلاتىن بولادى. ءبىز اۆتورلار مەن ساراپشىلاردى وقىتامىز. وقۋلىقتاردىڭ ساپاسى، اپروباتسيادان وتكىزۋ جانە وقۋلىقتاردى قولدانۋعا مونيتورينگ جاساۋ بويىنشا تالاپتاردى زاڭمەن بەكىتەمىز»، - دەدى اسحات ايماعامبەتوۆ.
اۆتور: مارلان جيەمباي
