قازاقستاندىق عالىمداردىڭ كوروناۆيرۋسقا قارسى ۆاكسيناسى وڭ ناتيجە كورسەتتى - مينيستر
«وزدەرىڭىز بىلەتىندەي، قىسقا مەرزىمنىڭ ىشىندە عالىمدارىمىز COVID-19-عا قارسى 2 ۆاكسينانى دايىندادى. دۇنيەجۇزىلىك دەنساۋلىق ساقتاۋ ۇيىمى ول ۆاكسينالار بويىنشا شەشىم قابىلداپ، ءوز تىزىمىنە ەنگىزدى. ءبىزدىڭ يناكتيۆتەلگەن ۆاكسينامىز قازىرگى ۋاقىتتا كلينيكاعا دەيىنگى كەزەڭنەن ءوتىپ، وتە جاقسى ناتيجەنى كورسەتتى. سۋببىرلىكتىك ۆاكسينامىزعا كلينيكا الدىنداعى زەرتتەۋ جۇمىستارىن جۇرگىزۋدەمىز. مۇنان بولەك، ءۇش پلاتفورما بويىنشا ۆاكسينا دايىنداۋ ۇستىندەمىز»، - دەدى مينيستر پەداگوگتار مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە.
ونىڭ اتاپ وتۋىنشە، كلينيكاعا دەيىنگى سىناق ناتيجەسى اتالعان ۆاكسينالاردىڭ قاۋىپسىز ەكەندىگىن كورسەتكەن.
«الدىن الا ناتيجەلەرى وتە جاقسى. اتالعان ينستيتۋتتىڭ بازاسىندا بيو- فارماتسيەۆتيكالىق زاۋىت سالىنىپ جاتىر. ول GMP ستاندارتى بويىنشا يممۋندىق- بيولوگيالىق پرەپارتتار شىعاراتىن بولادى»، - دەدى اسحات ايماعامبەتوۆ.
اۆتور: مارلان جيەمباي
