قىتايدا وقيتىن شەتەلدىك ستۋدەنتتەر بيىلعى وقۋىن جالعاستىرا الماۋى مۇمكىن

نۇر-سۇلتان. قازاقپارات- قىتايدا وقيتىن شەتەلدىك ستۋدەنتتەر بيىل ۋنيۆەرسيتەتتەن ارنايى شاقىرۋ بولماسا، العاشقى توقسانداعى وقۋىن جالعاستىرا المايدى، دەپ حابارلايدى «حابار 24».

ال وقۋعا بارعان كەزدە كوروناۆيرۋسقا شالدىقپاعانىن دالەلدەيتىن قۇجاتى بولۋى ءتيىس. قىتايدىڭ ءبىلىم جانە دەنساۋلىق ساقتاۋ مينيسترلىكتەرى بىرلەسىپ، وسىنداي جاڭا ءتارتىپ ەنگىزدى.

ايتا كەتۋ كەرەك، قىتاي شەتەلدىك ستۋدەنتتەردىڭ ەلگە كىرۋىنە ناۋرىز ايىندا تىيىم سالعان. بۇل شەكتەۋدەن قىزمەتتىك جانە ديپلوماتيالىق ءتولقۇجاتى بار، «س» دارەجەلى ۆيزاعا يە شەتەلدىك ازاماتتار عانا بوساتىلعان. ال تامىز ايىنان باستاپ وسى ەلدە ۋاقىتشا ءومىر سۇرۋگە رۇقساتى بار ەۋروپانىڭ 36 ەلىنىڭ ازاماتتارىنا ۆيزا بەرىلە باستادى.

www.24.kz