سىرتقى ىستەر مينيسترلىگى شەتەلدەگى قازاقستاندىق ستۋدەنتتەرگە كومەكتەسۋ ءۇشىن جەدەل شتاب قۇردى
مينيسترلىكتىڭ حابارلاۋىنشا، قازىرگى تاڭدا الەمدە جالعاسىپ جاتقان كوروناۆيرۋس ىندەتى شەتەلدە ءبىلىم الاتىن قازاقستاندىق ستۋدەنتتەر ءۇشىن بەلگىلى ءبىر قيىندىقتار تۋعىزۋدا. كوپتەگەن ەلدەردە تۇراقتى اۆياتسيالىق جانە كولىك بايلانىسى توقتاتىلىپ، شەتەلدىك ازاماتتارعا كىرۋگە تىيىم سالىنىپ، كارانتين رەجيمى ساقتالۋدا. شەتەلدىك وقۋ ورىندارى شەتەلدىك ستۋدەنتتەر ءۇشىن قاشىقتان وقىتۋ فورماتىنا كوشكەن.
«وسىعان بايلانىستى قازاقستاندىق ستۋدەنتتەردىڭ جۇمىستارىن ۇيلەستىرۋ جانە ولارعا قاجەتتى كومەك كورسەتۋ ءۇشىن سىرتقى ىستەر مينيسترلىگىندە جەدەل شتاب قۇرىلىپ، وعان ورتالىق اپپارات قىزمەتكەرلەرىمەن قاتار شەتەلدەگى كونسۋلدىق قىزمەتكەرلەرى دە كىردى. كونسۋلدىق قىزمەتكەرلەر وزدەرى ورنالاسقان ەلدەردەگى ءار ۋنيۆەرسيتەتپەن بايلانىس ورناتىپ، شەتەلدىك ستۋدەنتتەر ءۇشىن ۇسىنىلاتىن وقۋ فورماتىن انىقتاۋدا. سونىمەن قاتار، س ءى م شتابى قازاقستاندا تىركەلگەن شەتەلدىك ەلشىلىكتەرمەن تۇراقتى بايلانىستا. شتاب ءبىزدىڭ ستۋدەنتتەرگە ۋنيۆەرسيتەتتەرمەن بايلانىس ورناتۋدا، ۆيزا راسىمدەۋدە، بەلگىلى ءبىر ەلگە كىرۋ مەن شەكارادان ءوتۋ جانە ت. ب. ماسەلەلەردە كومەك كورسەتەدى»، - دەلىنگەن مينيسترلىكتىڭ اقپاراتىندا.
ستۋدەنتتەر مەن ولاردىڭ اتا- انالارىنان بارلىق سۇراقتار بويىنشا ق ر س ءى م جەدەل شتابىنا حابارلاسۋعا بولادى. تەل: 77172720046, 720047720549, ەلەكتروندىق پوشتا - covid19@mfa.kz.
