كوروناۆيرۋستان ايىعىپ شىققاندار بۇل اۋرۋعا قايتا شالدىعۋى مۇمكىن - دارىگەر

نۇر-سۇلتان. قازاقپارات - كوروناۆيرۋستان ايىعىپ شىققاندار بۇل اۋرۋعا قايتا شالدىعۋى ابدەن مۇمكىن. سول سەبەپتى ءتيىستى ساقتىق شارالارىن ۇمىتپاعان ءجون. وتاندىق دارىگەرلەر وسىلاي دەپ وتىر.

اق حالاتتىلاردىڭ ايتۋىنشا، بۇل ىندەت ەكىنشى رەت ەش بەلگىسىز وتە الادى. سوندىقتان، ۆيرۋستى باسقا ادامدارعا جۇقتىرماۋ ءۇشىن ۇنەمى ماسكا تاعىپ ءجۇرۋ كەرەك. مامانداردىڭ ستاتيستيكالىق مالىمەتتەرىنە سۇيەنسەك، كوۆيد-19-دان كوز جۇمعان 10 ادامنىڭ سەگىزى جاسى 65-تەن اسقان ازاماتتار. وسى ورايدا ۇلكەن كىسىلەردىڭ وقشاۋلانۋى وتە ماڭىزدى. اسىرەسە حالىق كوپ جينالاتىن ورىندارعا بارۋدان باس تارتقان دۇرىس.

انجەلا اشيحمينا، تەراپيەۆت:

- كوروناۆيرۋسكە قارسى يممۋنيتەت شامامەن 3 اي بويى ساقتالادى. كەيدە بۇل مەرزىم ودان دا ۇزاق بولۋى مۇمكىن. ال باسقالارىندا كەرىسىنشە تەك بىرنەشە اپتا عانا سوزىلا الادى. سول سەبەپتى ايىعىپ شىققاندار قايتادان اۋىرىپ قالۋى ىقتيمال. كارانتين رەجيمى باسەڭدەتىلگەنىمەن ءار ادام ءوز- وزىنە قاتىستى ساقتىق شارالارىن ۇمىتپاعانى ابزال.

www.24.kz