بەيجىڭدەگى اباي ەسكەرتكىشىنە گۇل شوقتارى قويىلدى

بەيجىڭ. قازاقپارات - بۇگىن بەيجىڭدەگى اباي ەسكەرتكىشىنە گۇل شوقتارىن قويۋ ءراسىمى ءوتتى، دەپ حابارلايدى قازاقپارات قازاقستاننىڭ قىتايداعى ەلشىلىگىنە سىلتەمە جاساپ.

وسى تاماشا كۇنى بەلگىلى جازۋشى، قىتايدىڭ حالىقتىق ساياسي كونسۋلتاتيۆتىك كەڭەسىنىڭ ەكس- دەپۋتاتى اكبار ءماجىت، «جينتاي» ونەر مۇراجايىنىڭ نەگىزىن قالاۋشى جانە اباي ءمۇسىنىنىڭ اۆتورى يۋان سيكۋن، سونداي- اق دوتسەنت، فيلولوگيا عىلىمدارىنىڭ كانديداتى جانە بەيجىن شەت تىلدەر ۋنيۆەرسيتەتى جانىنداعى قازاق ورتالىعىنىڭ مەڭگەرۋشىسى سۋن فان اباي مۇراسى تۋرالى وزدەرىنىڭ جىلى ويلارىمەن ءبولىستى. قازاقستاننىڭ قىتايداعى ەلشىلىگىنىڭ ۇجىمى بارلىق قازاقستاندىقتاردى اباي كۇنىمەن قۇتتىقتادى.