موينىنا كىندىگى التى رەت ورالعان نارەستە دۇنيەگە كەلدى

نۇر-سۇلتان. قازاقپارات - قىتايدىڭ حۋبەي پروۆينتسياسىندا مويىن اينالاسىنا كىندىگى التى رەت ورالعان نارەستە دۇنيەگە كەلدى.

16 - شىلدەدە يچان قالاسىنىڭ اۋرۋحاناسىنا 23 جاستاعى داي ەسىمدى ايەل جۇكتىلىكتىڭ سوڭعى اپتاسىنا بايلانىستى جەتكىزىلگەن.

دارىگەرلەر وعان ۋلترادىبىستى تەكسەرۋ جاسادى، ناتيجەلەر ىشتەگى ءسابيدىڭ موينىندا كىندىك ورالعانىن كورسەتتى. ءبىر اپتادان كەيىن داي تاعى ءبىر تەكسەرۋدەن ءوتتى. بۇل جولى دارىگەرلەر كىندىك ەكى رەت ورالعانىن بايقادى.

30 -شىلدەدە دايدىڭ تولعاعى باستالدى. دارىگەرلەر وعان كەسار تىلىگىن جاسامادى، ويتكەنى ول دا، نارەستە دە ءوزىن جاقسى سەزىندى. بالانى بوساندىرۋ ءساتتى ءوتتى: سالماعى ءۇش كەلى بولاتىن دەنى ساۋ بالا دۇنيەگە كەلدى. الايدا دارىگەرلەر بالانىڭ موينىنا التى رەت ورالعان كىندىكتى كورگەندە شوشىپ كەتتى. اكۋشەرلەردىڭ ءبىرى 23 جىلدىق تاجىريبەسى كەزىندە مۇنداي نارسەنى كورمەگەنىن ايتتى.

دارىگەرلەر بالانى كىندىككە تۇنشىقپاۋىنىڭ سەبەبىن ءتۇسىندىرىپ بەردى، ويتكەنى ول وتە ۇزىن بولعان - شامامەن 90 سانتيمەتر، ادەتتە 50 سانتيمەتر بولادى. ول قىسقا بولعاندا بالا بوسانۋ كەزىندە تۇنشىعىپ قالۋى مۇمكىن ەدى.

قازىر اناسى مەن بالاسىن اۋرۋحانادان شىعارۋعا دايىنداپ جاتىر. جۋرناليستەرمەن سويلەسكەندە داي بالاسىنىڭ ايتقان ءتىلىن المايتىنىن ايتىپ ازىلدەدى، ويتكەنى ول قۇرساعىندا تىم كوپ بولعان.

Stan.kz