كوروناۆيرۋس جۇقتىرعان انالار بالانى ەمىزۋدى توقتاتپاۋى كەرەك - د د س ۇ ءتوراعاسى
«سەبەبى، انا ءسۇتىنىڭ پايداسى جۇقتىرۋ قاۋپىنەن گورى ماڭىزدى»، - دەدى گەبرەيەسۋس 3- تامىزدا وتكەن بريفينگتە.
COVID-19 بالالاردا ەرەسەكتەرگە قاراعاندا جەڭىل وتەدى. مۇنىڭ سەبەبى ءالى بەلگىسىز. كەيبىر مەديتسينا ماماندارى مۇنى بالانىڭ يممۋندىق جۇيەسى ۆيرۋسقا رەاكتسيا كورسەتپەي قالىپتى قابىلدايتىنىمەن تۇسىندىرەدى.
ەرەسەكتەردە يممۋنيتەت بۇرىن-سوڭدى كەزدەسپەگەن ۆيرۋسقا تىم قاتتى رەاكتسيا تۋدىرادى، بۇل ناۋقاس جاعدايىنىڭ ناشارلاۋىنا اكەلەدى.
3- تامىزدا وتكەن بريفينگتە كوروناۆيرۋسقا قارسى ۆاكتسيناعا تىم قاتتى ءۇمىت ارتپاۋىمىز كەرەكتىگى ايتىلدى. د د س ۇ ۆاكتسينا جاعدايدى جاقسارتاتىن بىردەن-ءبىر ءتاسىل ەمەستىگىن جانە قالىپتى ومىرگە ورالۋ ءۇشىن ءالى ۇزاق جول بار ەكەندىگىن ايتتى.
د د س ۇ پرەزيدەنتى تەدروس ادانوم گەبرەيەسۋس پەن ۇيىمنىڭ توتەنشە جاعداي باعدارلاماسىنىڭ اتقارۋشى ديرەكتورى مايك رايان بارلىق ەلدەر دەنساۋلىق ساقتاۋ تالاپتارىن، سونىڭ ىشىندە بارلىعىنا ارنالعان مەديتسينالىق ماسكالاردى، الەۋمەتتىك قاشىقتىقتى، قولدى ءجيى جۋۋدى جانە تەستىلەۋدى ۇستانۋ كەرەكتىگىن ەسكەرتتى.
«ۇكىمەت پەن ادامدارعا «مۇنى تولىقتاي جاسا» دەپ ايتۋعا بولادى. مەديتسينالىق ماسكالار الەمنىڭ بارلىق ەلدەرى ءۇشىن مىندەتتى بولىپ قالۋى كەرەك»، - دەدى گەبرەيەسۋس جۋرناليستەرگە ارنالعان بريفينگتە.
ول قازىر ءبىرقاتار ۆاكتسينالار 3 فازادا ءبىر ۋاقىتتا كلينيكالىق سىناقتاردان ءوتىپ جاتقانىن ايتتى.
«ولاردان ءتيىمدى ۆاكتسينالار شىعادى دەپ ۇمىتتەنەمىز. ءبىراق ازىرگە جاعدايدى جاقسارتاتىن ۆاكتسينا نەمەسە ءدارى جوق»، - دەدى د د س ۇ ءتوراعاسى.
مايك رايان ۆيرۋستىڭ تارالۋ قاۋپى جوعارى برازيليا مەن ءۇندىستان سياقتى ەلدەر كۇرەسۋگە دايىن بولۋ كەرەكتىگىن ايتتى.
«بۇل ءالى ۇزاق جول جانە ۆيرۋستى جەڭۋ ءۇشىن جىگەر قاجەت»، - دەدى رايان.
ايتا كەتەيىك، 3- تامىزداعى جاعداي بويىنشا الەمدە كوروناۆيرۋس جۇقتىرعانداردىڭ سانى 18 ميلليوننان استى. دجونس حوپكينس ۋنيۆەرسيتەتىنىڭ سايتى مالىمەتىنە سايكەس، شامامەن 690 مىڭ ناۋقاس قايتىس بولعان. 10,7 ميلليون ادام اۋرۋدان ايىققان. سوڭعى 24 ساعات ىشىندە الەمدە 228,7 مىڭ جاڭا جاعداي تىركەلگەن.
massaget.kz
