كوروناۆيرۋستىڭ اۋىر تۇرىندە وكپە عانا ەمەس مي، باۋىر جانە بۇيرەك زاقىمدانادى - پۋلمونولوگ

الماتى. قازاقپارات - پۋلمونولوگ دارىگەر ساتتار ەرالييەۆ قازاقپارات تىلشىسىنە بەرگەن سۇحباتىندا پنيەۆمونيانىڭ انىقتاماسىنا توقتالىپ، ودان قالاي ساقتانۋ كەرەكتىگى جونىندە كەڭەس بەردى.

- ساتتار مولىبەك ۇلى، وقىرماندارىمىزعا تۇسىنىكتى بولسىن، ەڭ الدىمەن پنيەۆمونيا مەن كوروناۆيرۋستىڭ ارا جىگىن اجىراتىپ بەرسەڭىز؟

- ادام وكپەسى اۋا اۋىساتىن الۆەولالار مەن وكپە كاركاسىن قۇرايتىن دانەكەر تىندەردەن تۇرادى. كوروناۆيرۋس پنيەۆمونياسىندا ۆيرۋس وسى دانەكەر تىندەردى قابىندىرادى. ەگەر ناۋقاستا وكپەنىڭ 30-40 پايىزى قابىنسا دا تىنىس الۋ جەتكىلىكسىزدىگى بولمايدى. ال باكتەريالىق نەمەسە كادىمگى پنيەۆمونيادا الۆەول قابىنادى دا ناۋقاس بىردەن ەنتىگۋ باستالادى. ءبىز قورقاتىن ۆيرۋستىق پنيەۆمونيالار وكپەنىڭ 60-70 پايىز جانە ودان كوپ بولىگىندە قابىنعاندا باستالادى. ول اۋا جەتىسپەۋىنە پنيەۆمونيا اسقىنۋى (ترومبوز، ۆاسكۋليت، جەدەل رەسپيراتورلىق ديسترەسس سيندرومى، سيتوكين شوك) قوسىلادى.

- قازىر ادامدار «پنيەۆمونيا» دياگنوزىنان قورقادى، ودان قالاي ساقتانۋعا بولادى؟

- پنيەۆمونيادان ەمەس، كوروناۆيرۋس ينفەكسياسىنان (ك ۆ ي) ساقتانۋ كەرەك. ك ۆ ي- مەن اۋىرعان ءاربىر ناۋقاستىڭ وكپەسىنىڭ % 80 زاقىمدانادى، ياعني پنيەۆمونيا ك ۆ ي- ءدىڭ اسقىنۋى ەمەس، ول وسى اۋرۋدىڭ ەڭ كوپ كەزدەسەتىن كورىنىسى.

- كوروناۆيرۋستان ەمدەلىپ شىققان ادامدارعا نەگە باسا نازار اۋدارعان ءجون؟

- ك ۆ ي- ءدىڭ اۋىر تۇرلەرىندە وكپە عانا ەمەس، مي جانە ۆەگەتاتيۆتى نەرۆتەر، باۋىر جانە ۇيقى بەزى، بۇيرەك زاقىمدانادى. قازىر مينيسترلىكتىڭ تاپسىرماسى بويىنشا، جەرگىلىكتى ەمحانالاردا رەابيليتاتسيالىق بولىمشەلەر قۇرىلىپ جاتىر. سول جەردە بارىپ كەڭەس العان دۇرىس. ك ۆ ي- دان كەيىن يممۋنيتەت تومەندەيدى. سوندىقتان قازان ايىندا تۇماۋعا قارسى ۆاكسينا سالدىرعان دۇرىس. جاسى كەلگەن كىسىلەر (65-تەن اسقان)، ديابەتپەن، وكپەنىڭ سوزىلمالى وبسترۋكتيۆتى اۋرۋىمەن اۋىراتىن كىسىلەرگە پنيەۆموكوكك ينفەكسياسىنا قارسى ۆاكسينا سالدىرعان ءجون.

- كەيبىر دەرەككوزدەرگە سۇيەنسەك، ۇلكەندەرگە قاراعاندا، اتالعان ىندەتكە بالالاردىڭ اعزاسى توتەپ بەرە الادى ەكەن. بۇل قانشالىقتى راس؟

- باقىتىمىزعا وراي، بالالار ك ۆ ي- گە از شالدىعادى جانە جەڭىل اۋىرادى، ءبىراق ۇيدەگى جاسى كەلگەن كىسىلەر نەمەسە باسقادا قاۋىپ- قاتەر توبىنا كىرەتىن ادامدارعا جۇقتىرىپ، ولار قاتتى اۋىرۋى مۇمكىن. جەڭىل وتەدى دەگەنمەن، يممۋندىق اۋرۋلارى بار بالالار ءۇشىن قاۋىپتى بولۋى مۇمكىن. وسىنى ەستەن شىعارماعان ءجون.

- پۋلمونولوگ- دارىگەر رەتىندە قانداي كەڭەس بەرەر ەدىڭىز؟

- «ك ۆ ي- ءدىڭ جەڭىل تۇرىمەن اۋىرعان كىسىلەردە ك ۆ ي- عا قارسى يممۋنيتەت پايدا بولمايدى»، - دەگەن اقپارات پايدا بولدى نەمەسە «اۋىرعاننان كەيىنگى پايدا بولعان يممۋنيتەت تەك 3-6 ايعا سوزىلادى»، - دەيدى عىلىمي زەرتتەۋشىلەر، سوندىقتان ءارقاشان الەۋمەتتىك اراقاشىقتىقتى ساقتاپ، ماسكا كيىپ جۇرگەن دۇرىس.

- قابىنعان وكپەنى قايتا قالپىنا كەلتىرۋگە قانشا ۋاقىت كەتەدى؟

- ك ۆ ي جەڭىل تۇرىندە دە پنيەۆمونيا بولۋى مۇمكىن، ەگەر رەنتگەنگە تۇسپەسە بىلمەيدى دە. الايدا، وعان بولا رەنتگەنگە نە كومپيۋتەر توموگرافياسىنا ءتۇسۋدىڭ كەرەگى جوق. بۇل ۆيرۋسقا قارسى ەم جوق. كوروناۆيرۋس پنيەۆمونيادا ادام اعزاسى اۋرۋدى جەڭگەن كەزدە، ءوزى وكپەنى بىرتىندەپ تولىق قالپىنا كەلتىرەدى. وعان 3-6 اي كەيدە ودان دا ۇزاق ۋاقىت كەتۋى مۇمكىن. ول وكپەنىڭ زاقىمدانعان اۋماعى مەن ناۋقاس اعزاسىنىن ەرەكشەلىكتەرىنە بايلانىستى.

- اڭگىمەڭىزگە راقمەت!

اۆتور: الما مۇقانوۆا