قالا ءومىرىن قايتا قۇرىلىمداپ، وزگەرتۋ قاجەت - ب ۇ ۇ
بۇل كوبىنە حالىقتىڭ تىعىز ورنالاسۋىمەن عانا ەمەس، قالا ءومىرىن ۇيىمداستىرۋ، مۇنداعى ادامداردىڭ ءومىر سالتى، ولاردىڭ قايدا جۇمىس ىستەپ، قالاي ارەكەت ەتۋىنە بايلانىستى بولىپ وتىر.
بۇل تۋرالى ب ۇ ۇ باس حاتشىسى انتونيۋ گۋتەرريش ايتتى، دەپ حابارلايدى قازاقپارات ب ۇ ۇ جاڭالىقتارى سايتىنا سىلتەمە جاساپ.
«نەگىزگى اۋىرلىق قالاعا تۇسكەن. ولاردىڭ كوبىندە دەنساۋلىق ساقتاۋ جۇيەسىنە كوپ سالماق تۇسكەن، سۋمەن جابدىقتاۋ جانە سانيتاريا قىزمەتى ءجوندى ەمەس، وزگە دە پرولەمالارى تولىپ جاتىر»، - دەدى باس حاتشى.
بۇگىندە عالامشار تۇرعىندارىنىڭ 55 تەن استام پايىزى قالادا ءومىر ءسۇرىپ جاتىر. قالا تۇرعىندارىنىڭ شامامەن 24 پايىزى ادامدار تىعىز تۇراتىن، قاراپايىم سانيتارلىق-گيگيەنالىق جاعدايى جوق اۋدانداردا تىرشىلىك ەتۋدە. كوپتەگەن ادامدار جۇمىس ورنى، مەكتەپ، بالاباقشا، ءتىپتى ازىق-تۇلىك دۇكەندەردەن الىس جەردە تۇرىپ جاتىر. بۇگىندە قالا تۇرعىندارىنىڭ كوبىندە تۇرعىلىقتى جەرىنەن 400 مەتر راديۋستا قانداي دا ءبىر قوعامدىق عيماراتتارى بولماي وتىر. وسىنىڭ بارلىعى پاندەمياعا بايلانىستى اۋىر داعدارىسقا ۇشىرادى. ەكونوميكالىق شىعىنعا تاپ بولعان دا وسى - قالا.
الەمدىك ج ءى ءو- ءنىڭ 80 پايىزى قالادا. الەمدەگى كوپتەگەن كاسىپورىندار جۇمىسىن توقتاتتى، مەيرامحانالار مەن وزگە بيزنەس جابىلدى، ميلليونداعان ادام ۇيدە وقشاۋلانىپ قالدى.
«قالا الەمىن قايتا ويلاستىرىپ، وزگەرتەتىن ۋاقىت كەلدى. قازىرگى پاندەميادان قالىپتاسقان جاعدايعا بەيىمدەلەتىن ءسات كەلىپ جەتتى»، - دەپ ءمالىم ەتتى ب ۇ ۇ- نىڭ باس حاتشىسى.
ول ءۇش باعىتتا ارەكەت ەتۋگە كەڭەس بەرگەن: قالاداعى تەڭسىزدىك كولەمىن قىسقارتۋ، جەرگىلىكتى بيلىك پەن قالا تۇرعىندارىنىڭ الەۋەتىن نىعايتۋ جانە بارلىق تۇرعىندار ءۇشىن تۇراقتى ءارى ءادىل دامۋ جاعدايىن جاساۋ.
«بۇگىندە ءبىزدىڭ قالاي تۇرىپ جاتقانىمىزدى، قالاي ءوزارا ارەكەتتەسىپ، قالالارىمىزدى قالاي سالىپ جاتقانىمىزدى ويلاستىراتىن مۇمكىندىك بار. «ۋربانيزاتسيا الەمىندەگى COVID-19» تالداۋ قۇجاتىنىڭ ءمانى وسىندا»، - دەپ اتاپ ءوتتى باس حاتشى.
