مينيستر كارانتين شارالارىن جەڭىلدەتۋ تۋرالى ايتتى

نۇر-سۇلتان. قازاقپارات - كوروناۆيرۋس كورسەتكىشتەرىنىڭ وڭ قارقىنى كارانتين شارالارىن كەزەڭ-كەزەڭمەن جۇمسارتۋ مۇمكىندىگىن بەرەدى.

بۇل تۋرالى ق ر دەنساۋلىق ساقتاۋ ءمينيسترى الەكسەي سوي مالىمدەدى، دەپ حابارلايدى قازاقپارات.

«كارانتيندىك شارالاردى جۇمسارتۋ بويىنشا ازىرلەنگەن ولشەمدەرگە سايكەس، مينيسترلىك ينفەكتسيانىڭ رەپرودۋكتيۆتىك كورسەتكىشىن - ءبىر ناۋقاس وقشاۋلاعانشا اۋرۋ جۇقتىراتىن ادامدار سانى جانە ك ۆ ي ەمدەۋ ءۇشىن ينفەكتسيالىق ستاتسيونارلاردىڭ توسەك قورىنىڭ جۇمىسپەن قامتىلۋ پايىزىن قاداعالايدى»، - دەپ اتاپ ءوتتى مينيستر بۇگىنگى ۇكىمەت وتىرىسىندا.

ونىڭ ايتۋىنشا، كارانتيننىڭ 3 اپتاسىندا ينفەكتسيانىڭ رەپرودۋكتيۆتىك كورسەتكىشى 1,2 دەن 0,99 عا دەيىن تومەندەدى. جانە توسەك-ورىننىڭ قامتىلۋ پايىزى %90 دان %47 عا دەيىن تومەندەگەن.

«وسىلايشا، دەنساۋلىق ساقتاۋ جۇيەسىنە تۇسەتىن جۇكتەمەنىڭ نەگىزگى كورسەتكىشتەرىنىڭ جوعارىدا كورسەتىلگەن وڭ قارقىنى كارانتيندىك شارالاردى كەزەڭ-كەزەڭمەن جۇمسارتۋ مۇمكىندىگىن بەرەدى»، - دەدى الەكسەي سوي.