د د س ۇ كوروناۆيرۋس جاعدايى قايتادان باسىنان باستالۋى مۇمكىن ەكەنىن ەسكەرتتى
بۇل تۋرالى قازاقپارات ب ۇ ۇ جاڭالىقتارى سايتىنا سىلتەمە جاساپ حابارلايدى.
ۇيىم تاراتقان مالىمەتكە قاراعاندا، الەمدە كوروناۆيرس جۇقتىرعاندار سانى 16 ميلليونعا جەتىپ، ودان 640 مىڭنان استام ادام كوز جۇمدى.
جالپى جاعداي وتە كۇردەلى: ۆيرۋس كەي جەردە اگرەسسيالى تۇردە تارالىپ جاتسا، كەي جەردە اۋرۋ جۇقتىرۋدىڭ جاڭا وقيعالار سانى وتە تومەن، ەپيدەميانى جەڭگەن دەپ كورىنگەن كەيبىر ەلدەردە جاڭا وقيعالار پايدا بولۋدا.
«بىردە ءبىر ەلدىڭ كارانتينگە قايتىپ ورالعىسى كەلمەيتىنى تۇسىنىكتى. جانە ونىڭ ەكونوميكالىق، وزگە دە زارداپتارى جەتكىلىكتى. ءبىراق ءبىز ۆيرۋستىڭ تارالۋى قالاي جۇرەتىنىن تۇسىنەتىن بولساق، وعان جاۋاپ شارالاردى قولدانا الامىز. بۇل نەيروحيرۋرگياداعى جاعداي سياقتى: ميعا وتا جاسالعاندا، حيرۋرگ دارىگەرلەر پروبلەما جاسىرىنعان جەرگە جەتۋ ءۇشىن، ميكروسكوپتاردى قولدانادى»، - دەدى د د س ۇ توتەنشە جاعدايلار بويىنشا اتقارۋشى ديرەكتورى مايك رايان.
ونىڭ ايتۋىنشا، قولدانىپ وتىرعان شارالار ناقتى ءارى جۇيەلى سيپاتتا بولۋى ءتيىس - ەگەر «نۇسقاۋ ءاربىر ەكى ساعاتتا وزگەرىپ وتىرسا»، بۇل تۇرعىندار ءۇشىن وتە اۋىر، ادامداردى كەرى اسەردە قالدىرۋى مۇمكىن.
د د س ۇ قانداي دا ءبىر كەزەڭدە ناقتى شارالار قولدانىپ، ولاردىڭ ناتيجە بەرۋىنە كوز جەتكىزۋ قاجەتتىگىن ۇسىنادى.
ول سونداي-اق، جۇقتىرۋ وقيعالارىن بەلسەندى تۇردە انىقتاپ، قاداعالاۋ جۇرگىزىپ وتىرعان جانە «اپروبلەمانى جاسىرۋعا تىرىسىپ جۇرگەن» ەلدەرگە قارسى شىقپاۋعا شاقىردى.
«بيلىكتىڭ شىنايى جاعدايدى جاسىرۋعا نەمەسە ونىڭ «جاقسى كورىنۋى» ارەكەتى الدەقايدا قاۋىپتى. مەن ەلدەردىڭ ماعان شىنايى جاعداي تۋرالى بايانداپ، اۋرۋدىڭ ءورشۋىن باسۋ ءۇشىن شارالار قولدانعانىن قالايمىن»، - دەپ تولىقتىردى رايان.
