جاپوندار نەگە ۇزاق ءومىر سۇرەدى؟
مىسالى، جاپون حالقى الەمنىڭ عاسىر جاسايتىن تۇرعىنى اتانعان. 50 مىڭنان استام جاپون ەكىنشى ءجۇزجىلدىقتا ءومىر ءسۇرىپ جاتىر. عاسىر جاساۋدىڭ سىرى نەدە ەكەن؟
ەندىگى 15 -جىلدا بۇل ەلدە ميلليونداعان جاپون ءومىر سۇرەتىن بولادى. ءبىر قىزىعى، بۇلاي عاسىر جاساپ، ۇزاق عۇمىر كەشۋ باسقا ەلدە تىركەلمەگەن.
مۇنىڭ سىرى نەدە دەپ سۇراسا، كوپشىلىك «ولار تەڭىز ونىمدەرى مەن بالدىرلاردى جەيدى» دەپ جاۋاپ بەرەدى. تەڭىز جاعاسىندا ءومىر سۇرەتىن، ۇنەمى تەڭىز ونىمدەرىن تۇتىناتىن ەل كوپ، دەگەنمەن حالقى از. دەمەك، تەڭىز شاياندارى جاپوندارعا ۇزاق عۇمىر سىيلامايدى. الدە ولار سيقىرلى سۋسىن (ەلەكسير) ىشە مە ەكەن؟
مۇنىڭ قۇپياسى مىنادا: جاپوندار ەشقاشان ءبىر- ءبىرىنىڭ دە، ءوزىنىڭ دە كوڭىل- كۇيىن تۇسىرگىسى كەلمەيدى. ولار وسىنداي قۇندىلىقپەن الەم حالىقتارىنان ەرەكشەلەنىپ تۇرادى.
ولاردىڭ كۇرىش ەگەتىن جەرلەرى دە از، تابيعي بايلىقتارى دا كوپ ەمەس. وسىنداي ەكونوميكالىق جاعدايعا قاراماستان، ولار رۋحاني كۇشكە باي. سونىمەن قاتار جاپوندار الەمدەگى ەڭ باي ۇلت سانالادى. بۇل ەلدەگى ورتاشا ايلىق ۇش جارىم مىڭ ا ق ش دوللارىن قۇرايدى.
ەلدىڭ وسىنداي جەتىستىككە جەتۋىنىڭ باستى سىرى مىنادا بولسا كەرەك: جاپوندار ەڭ الدىمەن ءوز ويلارىن تىزگىندەۋدى ۇيرەنگەن. ولار تەرىس ويلار ادامنىڭ كوڭىل- كۇيىن ءتۇسىرىپ قانا قويماي، دەنساۋلىققا، بولاشاققا كەرى اسەر ەتەدى دەپ تۇسىنەدى، سول سەبەپتى سوزدىك قورلارىنان «جوق» دەگەن ءسوزدى الىپ تاستاعان.
بۇل ەلدىڭ جەتىدەگى بالاسىنان جەتپىستەگى قارتىنا دەيىن تەرىس پىكىردەن، كەرى ويدان بويلارىن اۋلاق ۇستايدى. الەمنىڭ كەي تۇرعىندارى بولاشاقتىڭ وسى ويدان باستالاتىنىن ۇعىنا بەرمەيدى: وي - بولاشاعىڭىزدىڭ دانەگى، ويىڭىزدى قالاي «سۋارساڭىز» ، بولاشاعىڭىز دا سولاي وسەدى. ءار نارسەنىڭ تۇبى سايلى بولۋى ءۇشىن باسى بايلى بولۋى كەرەك.
