20:34, 24 - شىلدە 2020 | GMT +5
ءۇندىستاندىق شاحتادان ءىرى گاۋھار تاس تاپتى
نۇر-سۇلتان.قازاقپارات- ءۇندىستاننىڭ مادحيا- پرادەش شتاتىنداعى ساركوحا اۋىلىنىڭ تۇرعىنى انانديلال كحۋشۆاحا شاحتادان 10,69 كاراتتىق ۇلكەن گاۋھار تاس تاۋىپ الدى.
قۇنى بەس ميلليون رۋپي (شامامەن 66 مىڭ دوللار) تۇراتىن اسىل تاس اۋكتسيوندا ساتىلادى، دەپ جازدى Mahamedia News Service. 34 جاستاعى ەر ادام گاۋھاردى جالدامالى جەكە شاحتاسىنان تاپقان. ول اسىل تاستى اۋكتسيوندا ساتىپ، قاراجاتتى شاحتاداعى توعىز ارىپتەسىمەن بولىسكىسى كەلەتىنىن ايتتى.
«سوڭعى التى اي بويى ۇجىمدىق كۇش- جىگەردىڭ ارقاسىندا ءبىز وسىنداي قۇندى تاستى تابا الدىق»، - دەدى كحۋشۆاحا.
سونىمەن قاتار ول اقشانىڭ ءبىر بولىگىنە بالالارىن وقىتىپ، ءوزى شاحتادا جۇمىس ىستەي بەرەتىنىن ايتقان.
www.24.kz
