وسى دەمالىس كۇندەرى اۋا رايى قانداي بولادى

نۇر-سۇلتان. قازاقپارات - سينوپتيكتەر الداعى دەمالىس كۇندەرى اۋا رايى قانداي بولاتىنىن ايتتى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

سولتۇستىك- باتىس سيكلونى قازاقستاننىڭ تەرريتورياسىنا ءوز ىقپالىن تيگىزۋىن جالعاستىرىپ جاتىر. سونىڭ اسەرىنەن جاڭبىر، كەي جەرلەردە قاتتى جاڭبىر جاۋادى.

ەلىمىزدىڭ سولتۇستىك بولىگىندە اۋا تەمپەراتۋراسى تومەندەيدى. سونداي-اق، رەسپۋبليكانىڭ كەي جەرلەرىندە نايزاعاي جارقىلداپ، جەل كۇشەيەدى. وڭتۇستىكتە شاڭدى داۋىل سوعادى. بۇرشاق جاۋۋى ىقتيمال. تەك باتىستا انتيسيكلوننىڭ ارقاسىندا جاۋىن-شاشىن جاۋمايدى، كۇن اشىق بولادى.