ساتبايەۆ قالاسىنىڭ اكىمى وتستاۆكاعا ءوتىنىش بەرگەن، ءبىراق ونى قابىلدامادى - اگەنتتىك

نۇر-سۇلتان. قازاقپارات - بيىلعى جارتى جىلداعى جۇمىسىن قورىتىندىلاعان سىبايلاس جەمقورلىققا قارسى ءىس- قيمىل اگەنتتىگى قاراعاندى وبلىسىنىڭ ساتبايەۆ قالاسىنىڭ اكىمىنە قاتىستى جايتتاردىڭ باسىن اشتى، دەپ حابارلايدى قازاقپارات.

اگەنتتىكتىڭ مالىمەتىنشە، قاراعاندى وبلىسى ساتبايەۆ قالاسىنىڭ اكىمى قالالىق تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى باسشىسىنىڭ سىبايلاس جەمقورلىق قىلمىسى ءۇشىن وتستاۆكاعا بەرگەن.

«ال سول قىلمىستى جاساعان ر. كۋنەديلوۆا ق ر ق ك 190-بابى 3-بولىگى بويىنشا سوتتالىپ، وعان بەلگىلى ءبىر لاۋازىمداردا قىزمەت اتقارۋعا ءومىر بويىنا تىيىم سالىنعان. جانە ول 12 ميلليون تەڭگە سوماسىندا ايىپپۇل تولەيدى» دەپ ءمالىم ەتتى اگەنتتىكتەن.

الايدا، اكىمنىڭ وتستاۆكاسى قابىلدانعان جوق، ول سوگىس تۇرىندە تارتىپتىك جاۋاپكەرشىلىككە تارتىلعان.