يراندا كوروناۆيرۋس ىندەتىنىڭ ەكىنشى تولقىنى ءجۇرىپ جاتىر
كەي مەملەكەتتە بۇرىن- سوڭدى بولماعان كورسەتكىشتەر تىركەلۋدە. ۆيرۋس ءورشىپ تۇرعان ا ق ش، يران مەن اۆستراليا بيلىگى ەلدە ماسكا تاعۋ رەجيمىن ەنگىزىپ وتىر. ال ماماندار حالىقتى وقشاۋلانۋ ءتارتىبىن ساقتاۋعا شاقىرادى. الەمدە كوروناۆيرۋس ينفەكتسياسىن جۇقتىرعانداردىڭ سانى 15 ميلليون جۋىقتادى. بۇل دجونس حوپكينس ۋنيۆەرسيتەتىنىڭ مالىمەتى. ناۋقاستاردىڭ سانى بويىنشا العاشقى ورىندا ا ق ش تۇر. وندا شامامەن 4 ميلليون ادام قاۋىپتى دەرتكە شالدىققان. ەلدىڭ 16 شتاتىندا ىندەت ءورشىپ بارادى. اسىرەسە تەحاس پەن كاليفورنياداعى جاعداي كۇردەلى. بۇل وڭىرلەردە ءولىم- ءجىتىم مەن دىمكاس جانداردىڭ قاتارى كۇننەن كۇنگە ارتۋدا. تاياۋدا تەحاس شتاتىنداعى اباقتىدا 500 دەن استام سوتتالۋشىعا كوۆيد-19 دياگنوزى قويىلدى. ال كاليفورنيادا ىندەتتىڭ قۇرىعىنا ىلىككەندەردىڭ قاراسى 400 مىڭنان استى. كۇنىنە شامامەن 8 مىڭنان استام ادام ينفەكتسيا جۇقتىرادى.
جەرگىلىكتى بيلىك «ايماق تۇرعىندارىن جاپپاي تەستىلەۋدەن وتكىزۋ كەرەك» دەگەن شەشىم قابىلدادى. ال اق ءۇي باسشىسى امەريكاندىقتاردى الەۋمەتتىك اراقاشىقتىقتى ساقتاپ، ماسكا تاعۋعا شاقىرادى.
دونالد ترامپ، ا ق ش پرەزيدەنتى:
- بۇگىنگى جاعدايعا ءاربىر ا ق ش ازاماتى جاۋاپكەرشىلىكپەن قاراۋ كەرەك. ۇناتساق تا، ۇناتپاساق تا مىندەتتى تۇردە ماسكا تاعىپ ءجۇرۋىمىز كەرەك. ويتكەنى بەتپەردەنىڭ ۆيرۋستان قورعايتىنىن بىلەمىز. كوروناۆيرۋستان بالالارعا قاراعاندا ەرەسەك ادامدار زارداپ شەگەتىنى ءمالىم. سوندىقتان قورعانىش زاتتارعا نەمقۇرايدىلىق تانىتپاعان ءجون.
مارك گالي، كاليفورنيانىڭ دەنساۋلىق ساقتاۋ اگەنتتىگىنىڭ حاتشىسى:
- ىندەتتىڭ تارالۋىن توقتاتۋ ءۇشىن بارىن سالساق تا كاليفورنيادا 400 مىڭنان استام ادام اۋىرىپ قالدى. بۇگىندە دەنساۋلىق ساقتاۋ جۇيەسىنە كوپ كوڭىل ءبولىنىپ جاتىر. ايماقتاعى جاعدايدى وڭالتۋ ءۇشىن بەس اپتاعا دەيىن ۋاقىت كەتەدى.
سوڭعى تاۋلىكتە يراندا كوۆيد-19 ىندەتى 229 ادامنىڭ ءومىرىن جالمادى. بۇل پاندەميا باستالعالى ەڭ ۇلكەن كورسەتكىش. ەلدەگى ەپيدەميولوگيالىق احۋالدىڭ ناشارلاۋىنان جەرگىلىكتى بيلىك تۇرعىندارعا ماسكا تاعۋدى مىندەتتەدى. تەگەراندا باسسەيندەر مەن فيتنەس كلۋبتار جابىلدى. مامانداردىڭ بولجامى دا كوڭىل كونشىتپەيدى. ال ەل پرەزيدەنتى حاسان رۋحاني ايماقتا كوروناۆيرۋستىڭ ەكىنشى تولقىنى باستالعانىن ايتىپ، حالىقتى بارىنشا ساقتانۋعا شاقىرادى.
حاسان رۋحاني، يران پرەزيدەنتى:
- وسى ۋاقىتقا دەيىن 25 ملن ادام ۆيرۋس جۇقتىرعان. ونىڭ 14 مىڭنان استامى جان تاپسىردى. باسىم كوپشىلىگى دەرتىنەن ايىعىپ شىقتى. دەسە دە، مامانداردىڭ بولجامى كوڭىل كونشىتپەيدى. حالىقتىڭ شامامەن 35 ميلليونى قاۋىپتى كەسەلدىڭ زاردابىن تارتۋى مۇمكىن. اۆسترالياداعى جاعداي دا ءماز ەمەس. ىندەتتىڭ ەپيورتالىعىنا اينالعان ۆيكتوريا شتاتىندا ءبىر كۇننىڭ ىشىندە 484 ادام ينفەكتسياعا شالدىققان. بيلىك وكىلدەرى جەرگىلىكتى حالىقتىڭ تارتىپكە باعىنباۋى جاعدايدى ودان ءارى ۋشىقتىردى دەپ وتىر. ماسەلەن، جۇرگىزىلگەن زەرتتەۋلەرگە سايكەس، اۋرۋ سيمپتومدارى پايدا بولعان 10 ناۋقاستىڭ توعىزى ءوزىن ءوزى وقشاۋلاماعان.
ۆيرۋس تۇرمەلەردە دە كەڭ ەتەك جايۋدا. وسىعان وراي ەلدىڭ 6 اباقتىسى كارانتينگە جابىلدى. ال، بەيسەنبىدەن باستاپ ەلدە ماسكا تاعۋ ەرەجەسى ەنگىزىلدى.
برەتت ساتتون، ۆيكتوريا شتاتىنىڭ دەنساۋلىق ساقتاۋ باسقارماسىنىڭ باسشىسى:
- بۇلاي جالعاساتىن بولسا ناۋقاستاردىڭ سانى ازايمايدى. جاعداي ودان بەتەر كۇردەلەنەدى. كۇنىنە 500 مىڭ ادام دەرتكە شالدىقسا تاڭ قالمايمىز. سوندىقتان ءار ازامات تارتىپكە باعىنۋ كەرەك. دەرتىڭ تارالۋىنا توسقاۋىل قويۋ ءۇشىن ەڭ قاراپايىپ ءتاسىلدى ورىنداۋ قاجەت. بۇل كارانتين مەن وقشاۋلانۋ ەرەجەسى. دەرتكە داۋا تابىلمايىنشا اۋرۋدان امان قالۋدىڭ جالعىز عانا جولى جەكە باس گيگيەناسى مەن كارانتين ەكەنى ءمالىم. ماماندار بولسا، مۇقىم جۇرتقا بۇل ەرەجەنى قاپەرىنەن شىعارماعانى ابزال ەكەنىن ايتۋدان جالىقپايدى.
www.24.kz
