قازاقستاندا كۇن سۋىتىپ، جاڭبىر جاۋادى

نۇر-سۇلتان. قازاقپارات - 23-25-شىلدە ارالىعىندا قازاقستاندا كۇن سۋىتىپ، نوسەر جاۋىن بولادى، - دەپ حابارلايدى «قازگيدرومەت» ر م ك وكىلدەرى.

سينوپتيكتەردىڭ مالىمەتىنشە، سولتۇستىك- باتىس تسيكلونى قازاقستان اۋماعىنا جاڭبىر اكەلەدى. ەلدىڭ سولتۇستىك بولىگىنىڭ كەي جەرىندە نوسەر جاۋىن بولادى، كەي جەرلەردە نايزاعاي ويناپ، جەل كۇشەيەدى. وڭتۇستىكتە شاڭدى داۋىل، قاتتى جەل سوعىپ، بۇرشاق جاۋادى، اۋا تەمپەراتۋراسى تومەندەيدى.

سونداي- اق، سولتۇستىك قازاقستان وبلىسىندا اۋا رايىنىڭ وزگەرۋىنە بايلانىستى ەسكەرتۋ جاريالاندى: 23-شىلدەدە كۇن كۇركىرەپ، بۇرقاسىن بولادى، سولتۇستىك- شىعىس جانە شىعىستان جەل سەكۋندىنا 15-20 مەترگە دەيىن كۇشەيەدى.