14:06, 22 - شىلدە 2020 | GMT +5
اتىراۋدا اۋەجايدان ۇشقان ۇشاقتان قارا ءتۇتىن شىققان - مامان
اتىراۋ. قازاقپارات - اتىراۋ حالىقارالىق اۋەجايىنان ۇشقان ان-12 ۇشاعىنان قارا ءتۇتىن شىققان، دەپ حابارلايدى قازاقپارات.
كەشە الەۋمەتتىك جەلىدە اتىراۋ حالىقارالىق اۋەجايىنان ۇشقان اۋە كەمەسىنىڭ ۆيدەوسى جاريالانعان بولاتىن. وندا ۇشاق ارتىنان شىققان قارا ءتۇتىندى بايقاۋعا بولادى. جەرگىلىكتى اۋەجايدىڭ ينجەنەرلىك- اۆياتسيالىق قىزمەتىنىڭ باستىعى اندرەي كيمنىڭ ايتۋىنشا، كەشە تۇستەن كەيىن اۋەجايدان ان-12 جۇك ۇشاعى ۇشقان.
«ۇشۋ رەجيمىندە وتىن قوسپاسى ادەتتەگى بايىپ كەتەدى. سونىڭ سالدارىنان قويۋ ءتۇتىن پايدا بولعان. بۇل - قالىپتى جاعداي، سوۆەت داۋىرىندە شىعارىلعان ۇشاقتىڭ بارلىعىندا بار. ۇشاق قالىپتى بيىككە جوعارىلاعاننان كەيىن، قارا ءتۇتىن جوعالادى. سوندىقتان، الاڭداۋعا ەش سەبەپ جوق»، - دەدى اندرەي كيم.
