الماتىدا ماسكا تاققان اۆتوبۋس جولاۋشى تاسىمالداپ ءجۇر

الماتى. قازاقپارات - الماتى كوشەلەرىندە ماسكا تاققان اۆتوبۋس جولاۋشى تاسىمالداپ ءجۇر، دەپ حابارلايدى قازاقپارات ءتىلشىسى.

كوپشىلىكتى تاڭقالدىرعان اۆتوبۋستىڭ سۋرەتى الەۋمەتتىك جەلىدە جاريالاندى.

«بۇعان كوپ قاراجات كەتكەن جوق. يدەيا كۇتپەگەن جەردەن تۋدى. ءبىز فارماتسيەۆتيكالىق كومپانيادان ۇلكەن كولەمدەگى ماسكانى كوردىك. ولار ءوز ماقساتىنا دايىنداعان. كومپانيا وكىلدەرىنە قولقا سالىپ، ماسكانى الدىرىپ، اۆتوبۋسقا تاقتىق. بۇل كوپشىلىككە ماسكا تاعۋعا، الەۋمەتتىك قاشىقتىقتى ساقتاۋعا ۇلگى بولماق. ازىرگە باسقا اۆتوبۋستاردا ماسكا بولا ما، ول جاعى بەلگىسىز»، - دەدى «الماتىەلەكتروترانس» ج ش س. قازىر ماسكا تاققان اۆتوبۋس الەۋمەتتىك جەلىدە تانىمال نىسانعا اينالدى. كوپتەگەن جولاۋشىلار اۆتوبۋس جانىندا سۋرەتكە ءتۇسىپ جاتىر.