قازاقستاندىقتار كارانتين ۋاقىتىندا قانداي تاماقتى كوپ جەيتىنى انىقتالدى
بۇل - 2019 -جىلدىڭ ۇقساس كەزەڭىمەن سالىستىرعاندا 1,5 كەلىگە ارتىق، دەپ حابارلايدى قازاقپارات ءتىلشىسى.
قازاقستاننىڭ رەسپۋبليكالىق انگۋس پالاتاسى شارۋالاردىڭ ەلدەگى ەتكە دەگەن سۇرانىستى قاناعاتتاندىرۋعا دايىن ەكەنىن حابارلايدى. پالاتا ۇسىنىپ وتىرعان ستاتيستيكاعا سۇيەنسەك، قازاقستاندا 2020 -جىلدىڭ قاڭتار مەن مامىر ايلارىندا 681,2 مىڭ توننا قوي مەن قۇس ەتى ساتىلعان.
بۇل - 2019 -جىلدىڭ ۇقساس كەزەڭىمەن سالىستىرعاندا 21,3 مىڭ تونناعا ارتىق. اگرارشىلار كارانتين ۋاقىتىندا دا، ت ج كەزىندە دە ەلدىڭ ازىق- تۇلىك قاۋىپسىزدىگىن قامتاماسىز ەتۋ ءۇشىن ءبىر ساتكە جۇمىستى توقتاتقان ەمەس.
«ەت جانە ەت ونىمدەرى - قازاقستاندىقتاردىڭ ازىق- تۇلىك قورجىنىنداعى ماڭىزدى ينگرەديەنتتەردىڭ ءبىرى. ەڭ تومەنگى ازىق- تۇلىك سەبەت قۇنىنىڭ %35 ى ەت پەن بالىققا جۇمسالادى. قازاقستاندىق فەرمەرلەر ىشكى سۇرانىستى تولىعىمەن قاناعاتتاندىرىپ قانا قويماي، سونىمەن قاتار ەكسپورتتىق نارىققا دا شىعۋعا دايىن. سالانىڭ ەكسپورتتىق الەۋەتىن حالىقارالىق ساراپشىلار مويىنداپ وتىر: دۇنيەجۇزىلىك بانك مال شارۋاشىلىعىن تۇراقتى دامىتۋ باعدارلاماسىن باسەكەگە قابىلەتتى سيىر ەتىن ءوندىرۋدى قولداۋ ءۇشىن قازاقستاندا جۇزەگە اسىرعالى وتىر»، - دەلىنگەن حابارلامادا.
قازاقستاننىڭ رەسپۋبليكالىق انگۋس پالاتاسىنىڭ ديرەكتورى داۋرەن سالىقوۆتىڭ ايتۋىنشا، دۇنيەجۇزىلىك بانكتىڭ بۇل باعدارلاماسى ەت ءوندىرىسىن ارتتىرىپ قانا قويماي، حالىقتى جۇمىسپەن قامتۋدا ۇلكەن ءرول اتقارادى.
«قازاقستانداعى مال شارۋاشىلىعى تۇراقتى ەكونوميكالىق وسىمگە ىقپال ەتەدى. بۇگىندە ەلىمىزدە 20 مىڭ وتباسىلىق شارۋاشىلىق بار. ءىرى بورداقىلاۋ الاڭدارىمەن ىنتىماقتاستىق ارقىلى اۋىل شارۋاشىلىعى مينيسترلىگى 10 جىل ىشىندە ونىڭ سانىن 100 مىڭعا دەيىن ارتتىرۋعا نيەتتى. مال شارۋاشىلىعىمەن اينالىساتىندار سانى دا 100 دەن 600 مىڭعا دەيىن ءوسۋى كەرەك»، - دەيدى پالاتا باسشىسى.
پالاتانىڭ مالىمەتىنشە، سيىر ەتىنىڭ ءوندىرىسى جىلىنا ەكى ەسە - 1 ميلليون 100 مىڭ تونناعا دەيىن ارتۋى كەرەك. ال ەكسپورت جىل سايىن 2,4 ميلليارد ا ق ش دوللارىن اكەلۋى ءتيىس.
