پاۆلودار مەن نوۆوسىبىر دارىگەرلەرى پاندەمياعا قارسى بىرلەسە ارەكەت ەتپەك
وبلىستىق دەنساۋلىق ساقتاۋ باسقارماسىنىڭ مالىمدەۋىنشە، ونلاين- كونفەرەنتسياعا نوۆوسىبىر وبلىسى دەنساۋلىق ساقتاۋ ءمينيسترىنىڭ ورىنباسارى ەلەنا اكسەنوۆا جانە پاۆلودار وبلىسى دەنساۋلىق ساقتاۋ باسقارماسىنىڭ باسشىسى ءبىرجان دوسمايىلوۆ، سونداي-اق ەكى ءوڭىردىڭ ينفەكتسيونيستەرى، پۋلمونولوگتارى، رەانيماتولوگتارى مەن سانيتارلىق دارىگەرلەرى قاتىستى.
ونلاين-كونفەرەنتسيا بارىسىندا ءنوۆوسىبىر دارىگەرلەرى كوروناۆيرۋس پاندەمياسىمەن قالاي كۇرەسىپ جاتقاندارى تۋرالى ايتتى. ولاردىڭ ەمدەۋ حاتتامالارى قازاقستاندىق مامانداردىڭ ەمدەۋ حاتتامالارىنا ۇقساس.
نوۆوسىبىر وبلىسىندا دا جوسپارلى مەديتسينالىق كومەك كورسەتۋ شەكتەلگەن، پاتسيەنتتەر لەگى بولىنگەن، ۇيگە شىعۋ ءۇشىن بريگادالار قۇرىلعان جانە كومەكتى بارىنشا ۇيدە كورسەتۋگە تىرىسادى.
- ءبىزدىڭ رەسەيلىك ارىپتەستەرىمىز ءوز پروبلەمالارىن جانە ولاردى شەشۋ جولدارىن ورتاعا سالدى، - دەيدى ونلاين- كەزدەسۋگە قاتىسقان پاۆلودار وبلىسىنىڭ شتاتتان تىس باس رەانيماتولوگى يننا گلوۆاتسكايا.
- ولار توسەك- ورىنداردى وتتەگى نۇكتەلەرىمەن قامتاماسىز ەتۋ تۋرالى ايتتى.
نوۆوسىبىر وبلىسىندا دا ورتالىقتاندىرىلعان وتتەگى نۇكتەلەرى جوق جەرلەردە وتتەگى كونتسەنتراتورلارى قولدانىلادى. پاۆلودارلىق دارىگەرلەر دە كوروناۆيرۋس ينفەكتسياسىمەن، پنيەۆمونيامەن جانە جرۆي- مەن اۋىراتىنداردى ەمدەۋدەگى ءوز تاجىريبەلەرىمەن ءبولىستى.
ەكى وبلىستىڭ ءبىرىنشى باسشىلارىنىڭ كەلىسىمىمەن ۇيىمداستىرىلعان كونفەرەنتسيانىڭ قورىتىندىسى بويىنشا تاراپتار پاندەمياعا قارسى كۇرەستە ءوزارا ءىس-قيمىل جاساسۋ جانە شەكارا ماڭىنداعى وڭىرلەردىڭ دارىگەرلەرىمەن تۇراقتى تاجىريبە الماسىپ تۇرۋ جونىندە كەلىستى.
بۇگىنگى تاڭدا پاۆلودار وبلىسىنىڭ ەمحانالارىندا 93 موبيلدىك بريگادا جۇمىس ىستەيدى. ولار شاقىرۋلارعا جەدەل شىعۋ جانە ۇيدە ساپالى مەديتسينالىق قىزمەت كورسەتۋ ءۇشىن بارلىق قاجەتتى قۇرال-جابدىقپەن قامتاماسىز ەتىلگەن.
ءوڭىر بويىنشا وتتەگى نۇكتەلەرىنىڭ سانى وسۋدە، ايدىڭ سوڭىنا دەيىن ونىڭ سانىن 600 گە جەتكىزۋ جوسپارلانۋدا. سونداي-اق وتتەگى كونتسەنتراتورلارىنىڭ سانى بەلسەندى تۇردە ارتتىرىلۋدا.
