ەرالى توعجانوۆ: ك ۆ ي- دەن قايتىس بولعانداردى جاسىرىپ قالۋ مۇمكىن ەمەس

نۇر- سۇلتان. قازاقپارات - كوروناۆيرۋس ىندەتىنەن قايتىس بولعانداردى جاسىرىپ قالۋ مۇمكىن ەمەس. بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.

«بۇگىندە ەشكىم ەشتەڭەنى جاسىرايىن دەپ وتىرعان جوق. اسىرەسە، قايعىلى جاعدايعا اپاراتىن دۇنيەنىڭ ءبارىن جاسىرۋ مۇمكىن ەمەس قوي. سوندىقتان ونىڭ ءبارى قارالادى، باعا بەرىلەدى. بۇل - ءبىر. ەكىنشىدەن، وسى ەپيدەميولوگيالىق احۋالعا، كوروناۆيرۋسقا بايلانىستى ءار وبلىستىڭ جاعدايى كۇندە تاڭەرتەڭگى 9-00-دە شتابتا ارنايى قارالادى. ونىڭ ىشىندە وبلىستاعى جاعداي، سول وبلىستاعى اۋدان نە بولماسا ءىرى كومپانياداعى جاعداي قارالۋى مۇمكىن»، - دەدى ەرالى توعجانوۆ ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، بۇگىن ماسەلەن، اتىراۋ وبلىسى ارنايى قارالعان. ويتكەنى بۇل وبلىستا ءبىر تاۋلىكتە 371 ادام كوروناۆيرۋس جۇقتىرعان. بۇل قازاقستان وڭىرلەرى ىشىندەگى ەڭ جوعارى كورسەتكىشتەردىڭ ءبىرى سانالادى.

«سوعان بايلانىستى 5 اۋدانداعى، ونىڭ ىشىندە ت ش و سياقتى كومپانياداعى جاعداي تەرەڭ تالدانىپ، ەلگە جەتكىزىلىپ وتىر. سوندىقتان ءبىر دە ءبىر جاعدايدى جاسىرىپ قالۋ مۇمكىن ەمەس. ونىڭ ەشكىمگە قاجەتى دە جوق. مەملەكەت اشىق قاراپ، ەلگە جەتكىزەدى. ول حالىق ءۇشىن، ەلدىڭ بولاشاعى ءۇشىن كەرەك»، - دەدى ەرالى توعجانوۆ.

ايتا كەتەيىك، بريفينگ بارىسىندا ب ا ق وكىلدەرى نەلىكتەن ك ۆ ي- دەن قايتىس بولعاندار ستاتيستيكاسى ءبىر اپتاداعى دەرەكتەر بويىنشا جاريا ەتىلەتىنىن سۇراعان بولاتىن.

اۆتور: مارلان جيەمباي