دەنە قىزۋىن تۇسىرەتىن، باكتەرياعا جانە ۆيرۋسقا قارسى ءدارى-دارمەكتىڭ ءتىزىمى جاريالاندى

نۇر-سۇلتان. قازاقپارات - دەنساۋلىق ساقتاۋ مينيسترلىگى قازاقستان اۋماعىندا تىركەلگەن، قۇرامىندا پاراتسەتامولى بار، دەنە قىزۋىن تۇسىرەتىن، ۆيرۋسقا جانە باكتەرياعا قارسى ءدارى-دارمەكتىڭ ءتىزىمىن ۇسىندى، دەپ حابارلايدى قازاقپارات.

مينيسترلىكتىڭ مالىمەتىنشە، ءار ءدارى-دارمەكتىڭ بىرنەشە اتاۋى بولادى. ونىڭ ىشىندە حالىقارالىق پاتەنتتەلمەگەن اتاۋى، حيميالىق جانە كوممەرتسيالىق اتاۋى بار. حالىقارالىق اتاۋىن دۇنيەجۇزىلىك دەنساۋلىق ساقتاۋ ۇيىمى بەكىتسە، حيميالىق اتاۋى كۇردەلى، ايتۋعا اۋىر بولۋى مۇمكىن.

ال ەندى ساتىلىمعا شىققان كەزدە فارمكومپانيالار ءدارىنىڭ اتاۋىن ءوز قالاۋىنشا قويا بەرەدى.

مىسالى تسەفترياكسون - پرەپاراتتىڭ حالىقارالىق پاتەنتتەلمەگەن اتاۋى، ال ونى كومپانيالار ساۋداعا شىعارعان كەزدە ابيتراكس، تسەفاكسون، اكسون، بەلاتسەف، سەفابەل جانە باسقا اتاۋلارمەن ساتا بەرەدى.

ءبىراق بارلىعىنىڭ قۇرامىندا تسەفترياكسون بار. سونداي-اق ازيتروميتسين ءدارىسىنىڭ دە ازيتروميتسين ساندوز ®، ازيترۋس، زيتماك سەكىلدى تۇرلەرى بارشىلىق. قازاقستاننىڭ ءدارى- دارمەك مەملەكەتتىك رەەسترىندە دەنە قىزۋىن تۇسىرەتىن پاراتسەتامول حالىقارالىق پاتەنتتەلمەگەن اتاۋىمەن 86 ءدارى تىركەلگەن.

ونىڭ ىشىندە وتاندىق پرەپارات تا، شەتەلدە وندىرىلگەنى دە از ەمەس. سونىمەن قاتار، انتيباكتەريالىق - 108، ۆيرۋسقا قارسى - 29 ءتۇرلى ءدارى بار. ونىڭ ءتىزىمى تومەندە كەلتىرىلگەن.