نۇر- سۇلتاندا كوروناۆيرۋسقا پ ت ر تەستىلەۋ قانشا تۇرادى
«Invivo» مەديتسينالىق زەرتحاناسىندا ءبىر رەاگەنت قۇنىنىڭ باعاسى - 18500 تەڭگە.
«شىلدە ايىنان باستاپ، تەست جۇرگىزەمىز بە، جوق پا، ءالى بەلگىسىز. رەاگەنت جەتكىزۋشىنىڭ كەشىگۋىنەن پ ت ر تەستىلەۋدى 2 - شىلدەگە قالدىردىق. باستاساق تا، قاتاڭ تۇردە الدىن الا جازىلۋ بويىنشا قابىلدايمىز. تەستىلەۋ باعاسىنىڭ دا وزگەرۋ- وزگەرمەۋى بەلگىسىز»، - دەپ جاۋاپ بەردى زەرتحانانىڭ Call-ورتالىعى.
«Green clinic» كوپبەيىندى مەديتسينالىق ورتالىعىندا پ ت ر ادىسىمەن تەستىلەۋ قۇنى ءسال قىمباتىراق. «بىزدە رەاگەنت تاۋسىلىپ قالدى. شىلدەنىڭ باسىندا جەتكىزىلۋى ءتيىس. پ ت ر ادىسىمەن تەستىلەۋ قۇنى - 19300 تەڭگە. ونىڭ ناتيجەسى 6 نەمەسە 8 كۇندە بەلگىلى بولادى»، - دەدى مەديتسينالىق ورتالىقتان.
ايتا كەتەيىك، بۇگىن ورتالىق كوممۋنيكاتسيالار قىزمەتىندە دەنساۋلىق ساقتاۋ ۆيتسە- ءمينيسترى ليۋدميلا بيۋرابەكوۆا پ ت ر- تەستىلەۋدەن ءوتۋ قۇنى - تەستىڭ ءوزىنىڭ ساتىپ اكەلىنگەن باعاسىنان نەلىكتەن قىمبات ەكەنىن ءتۇسىندىردى.
«بۇل جەردە تولەم پ ت ر- تەست ءۇشىن عانا جاسالمايدى. پ ت ر- تەستىلەۋ قىزمەتى ءۇشىن دە اقى الىنادى. ول تولەمگە تەستىڭ ءوزى عانا ەمەس، بۇل قىزمەتتى جۇرگىزۋگە قاجەتتى ماتەريالدار شىعىنى دا كىرەدى. ياعني وندا 40-قا تارتا زەرتحانالىق بۇيىم بار: ماتەريالدارعا ارنالعان زونتتار، كولىكتىك ورتا تۇتىگى جانە تاعى باسقالار»، - دەدى ليۋدميلا بيۋرابەكوۆا.
ۆيتسە- ءمينيستردىڭ ايتۋىنشا، بۇل قىزمەت قۇنىنا مەديتسينالىق قىزمەتكەرلەردىڭ قورعانىس قۇرالدارى مەن ايلىعى دا كىرەدى. سونىمەن بىرگە، «ۇلتتىق ساراپتاما ورتالىعى» ا ق كوروناۆيرۋسقا اقىلى تۇردە پ ت ر- تەست جاساۋ قىزمەتىن توقتاتتى. «2020 -جىلدىڭ 25 - ماۋسىمىنداعى ق ر باس سانيتارلىق دارىگەرىنىڭ №43 قاۋلىسىنا سايكەس، COVID-19-عا زەرتحانالىق ساراپتاما جۇرگىزۋ بويىنشا اقىلى قىزمەت ۋاقىتشا توقتاتىلدى. تەگىن تەستىلەۋ سۇراقتارى بويىنشا ەمحانالارعا حابارلاسۋىڭىزدى سۇرايمىز»، - دەلىنگەن ۇلتتىق ساراپتاما ورتالىعىنىڭ حابارلاماسىندا.
ۇلتتىق ورتالىقتا كوروناۆيرۋسقا اقىلى پ ت ر تەستىلەۋ جۇرگىزۋ قۇنى 11500 تەڭگە بولاتىن. اۆتور: ايجان سەرىكجان قىزى
