قازاق قىزى امەريكادا حوككەي كلۋبىنىڭ باس باپكەرى بولىپ تاعايىندالدى

نۇر-سۇلتان. قازاقپارات - قازاقستاندىق حوككەيشى قىز بۇلبۇل قارتانبايەۆا امەريكادا حوككەي كلۋبىنىڭ باس باپكەرى قىزمەتىنە تاعايىندالدى، دەپ حابارلايدى قازاقپارات.

بۇل جونىندە امەريكا قۇراما شتاتتارىنىڭ قازاقستانداعى ەلشىلىگى مالىمەت تاراتتى.

«قازاقستاندىق بۇلبۇل قارتانبايەۆانى قۇتتىقتايمىز. بۇگىن ول امەريكانىڭ نيۋ-دجەرسي شتاتىنداعى Princeton Tiger Lilies حوككەي كلۋبىنىڭ باس باپكەرى قىزمەتىنە كىرىستى» دەپ جازدى ەلشىلىك Instagram پاراقشاسىندا.

بۇلبۇل قارتانبايەۆا - NWHL ايەلدەر ليگاسىنىڭ تاريحىنداعى ءبىرىنشى قازاقستاندىق سپورتشى.

ول وتكەن جىلى امەريكالىق «مەتروپوليتەن ريۆەتەرس» كلۋبىمەن كەلىسىمشارتقا وتىرعان بولاتىن.