مەملەكەت باسشىسى ب ا ق سالاسىنداعى سىيلىقتاردى بەرۋ تۋرالى جارلىققا قول قويدى
1. ەلدىڭ الەۋمەتتىك- ەكونوميكالىق جانە قوعامدىق-ساياسي دامۋىن اقپاراتتىق تۇرعىدان قامتاماسىز ەتۋ ىسىندەگى بۇقارالىق اقپارات قۇرالدارىنىڭ ەلەۋلى ءرولىن ەسكەرە وتىرىپ، قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ جونىندەگى قوعامدىق كوميسسيانىڭ ۇسىنىمىن قاراي كەلىپ: قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى:
قۋاتوۆ داۋرەن قاسەن ۇلىنا - «قازاق ادەبيەتى» گازەتىنىڭ باس رەداكتورىنا، مەملەكەت باسشىسىنىڭ قىزمەتىن بەلسەندى ءارى جان-جاقتى ءتۇسىندىرىپ، جاريالاپ-كورسەتكەنى ءۇشىن؛
قىدىرالى دارحان قۋاندىق ۇلىنا - «ەگەمەن قازاقستان» رەسپۋبليكالىق گازەتى» ا ق باسقارما ءتوراعاسىنا، قازاق ءتىلدى بۇقارالىق اقپارات باسپا ءسوز قۇرالدارىنىڭ دامۋىنا قوسقان ەلەۋلى ۇلەسى ءۇشىن؛
سارىباي سەرىك ابىكەن ۇلىنا - «جەتىسۋ» تەلەارناسىنىڭ ديرەكتورىنا، قازاقستان جۋرناليستيكاسىنىڭ جانە ۇلتتىق بۇقارالىق اقپارات قۇرالدارىنىڭ دامۋىنا قوسقان ەلەۋلى ۇلەسى ءۇشىن؛
ترۋحاچەۆ الەكساندر ۆلاديميروۆيچكە - «حابار» تەلەارناسىنىڭ تالدامالىق باعدارلامالار ءبولىمىنىڭ شەف- رەداكتورىنا، وتاندىق تەلەجۋرناليستيكانىڭ دامۋىنا قوسقان ۇلەسى ءۇشىن بەرىلسىن؛ قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارى:
ءاشىم البيناعا - «QAZAQSTAN» ۇلتتىق تەلەارناسىنىڭ تىلشىسىنە، قازاقستاندىق تەلەۆيزيانىڭ دامۋىنا قوسقان ۇلەسى ءۇشىن؛
مادياروۆا ماقپال باقىتبەك قىزىنا - «حابار» تەلەارناسى تالدامالىق باعدارلامالار ءبولىمىنىڭ تىلشىسىنە، قازاقستان دامۋىنىڭ وزەكتى ماسەلەلەرىن جاريالاپ- كورسەتكەن اقپاراتتىق- تالدامالىق قىزمەتى ءۇشىن؛
نۇرىشەۆا مارجان ەركىمبەك قىزىنا - «Semei « تەلەارناسىنىڭ رەداكتور- تەلەجۇرگىزۋشىسىنە، قازاقستاننىڭ وڭىرلىك ساياساتىن ءتيىمدى اقپاراتتىق سۇيەمەلدەۋگە قوسقان ۇلەسى ءۇشىن؛
سمايلوۆ جاندوس مەيىربەك ۇلىنا - «ازاتتىق رۋحى» اقپارات اگەنتتىگىنىڭ شىعارۋشى رەداكتورىنا، ينتەرنەت- كەڭىستىكتە اقپاراتتى جاريالاپ- كورسەتۋدى ىلگەرىلەتۋگە قوسقان ۇلەسى ءۇشىن تاپسىرىلسىن؛
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسى:
«انا ءتىلى» گازەتىنىڭ شىعارماشىلىق ۇجىمىنا - ۇلتتىق باسپا ءسوزدىڭ دامۋىنا قوسقان ەلەۋلى ۇلەسى ءۇشىن؛
«قازاقپارات» حالىقارالىق اقپارات اگەنتتىگىنىڭ شىعارماشىلىق ۇجىمىنا - قوعامدىق- ساياسي، الەۋمەتتىك- ەكونوميكالىق جانە مادەني- گۋمانيتارلىق سالالاردى اقپاراتتىق جاريالاپ-كورسەتۋگە قوسقان ەرەكشە ۇلەسى ءۇشىن؛
«كازاحستانسكايا پراۆدا» رەسپۋبليكالىق گازەتىنىڭ شىعارماشىلىق ۇجىمىنا - ەلىمىزدىڭ بۇقارالىق اقپارات قۇرالدارىنىڭ دامۋىنا قوسقان ەلەۋلى ۇلەسى ءۇشىن؛
«QAZAQSTAN» ۇلتتىق تەلەارناسىنىڭ ماڭعىستاۋ وبلىستىق فيليالىنىڭ شىعارماشىلىق ۇجىمىنا - وڭىرلىك جۋرناليستيكانىڭ دامۋىنا قوسقان ۇلەسى ءۇشىن جاريالانسىن. 2. وسى وكىم بۇقارالىق اقپارات قۇرالدارىندا جاريالانسىن.
قازاقستان رەسپۋبليكاسىنىڭ پرەزيدەنتى ق. توقايەۆ
