اسقار مامين: جۋرناليستيكا - وتە قىزىقتى ءارى جاۋاپتى ماماندىق

نۇر-سۇلتان: قازاقپارات – ق ر پرەمەر-ءمينيسترى اسقار مامين قازاقستاندىق بۇقارالىق اقپارات قۇرالدارىنىڭ قىزمەتكەرلەرىن كاسىبي مەرەكەسىمەن قۇتتىقتادى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

قۇرمەتتى ب ا ق قىزمەتكەرلەرى، سىزدەردى كاسىبي مەرەكەلەرىڭىزبەن قۇتتىقتايمىن! جۋرناليستيكا - وتە قىزىقتى ءارى جاۋاپتى ماماندىق. سىزدەر كۇندەلىكتى ەڭبەكتەرىڭىزبەن ەلىمىزدە جانە شەتەلدە بولىپ جاتقان وقيعالار تۋرالى حالىقتى جانە بيلىك ورگاندارىن اقپاراتتاندىراسىزدار، قوعامدىق پىكىر مەن ادامگەرشىلىك قۇندىلىقتارىن قالىپتاستىراسىزدار. قوعامدىق باقىلاۋ فۋنكسياسىن ورىنداي وتىرىپ، بيلىكتىڭ بارلىق تارماعىنىڭ جۇمىسىن جەتىلدىرۋ مەن ونىڭ تيىمدىلىگىن ارتتىرۋعا ىقپال ەتەسىزدەر. قازىرگى قيىن ۋاقىتتا سىزدەر ەلىمىزدەگى احۋال تۋرالى جۇرتشىلىققا ۋاقىتىلى ءارى شىنايى اقپاراتتى جەتكىزە وتىرىپ، كوروناۆيرۋس پاندەمياسىمەن كۇرەستىڭ الدىڭعى شەبىندە قىزمەت ەتىپ جۇرسىزدەر. سىزدەردىڭ ادال ەڭبەكتەرىڭىز ءۇشىن شىنايى العىسىمىزدى بىلدىرەمىز. قازاقستاندىق ب ا ق-تىڭ بارلىق قىزمەتكەرلەرىنە زور دەنساۋلىق، تابىس پەن اماندىق تىلەيمىن!