موڭعوليادا پارلامەنتتىڭ ءبىرىنشى سەسسياسىن قازاق باسقارادى

ۇلانباتىر. قازاقپارات - موڭعوليادا ەل پارلامەنتىنە 2020 -جىلعى سايلاۋدىڭ ناتيجەلەرى جاريالانىپ، جاقىن ارادا جاڭا دەپۋتاتتار انت بەرەدى.

قازاقپارات بۇل تۋرالى kaznews اگەنتتىگىنە سىلتەمە جاساپ حابارلايدى.

«پارلامەنت تۋرالى زاڭدا كورسەتىلگەندەي، ءبىرىنشى سەسسيانى 76 دەپۋتاتتىڭ ىشىندەگى ەڭ قارت مۇشە باسقارادى. سوندىقتان ءبىرىنشى سەسسيانى بايان- ولگەي ايماعىنان سايلانعان 66 جاستاعى بادەلحان قابدىسىلام ۇلى باسقارادى»، - دەلىنگەن اقپاراتتا. 1954 -جىلى تۋعان ب. قابدىسىلام ۇلى جاڭا پارلامەنتتىڭ ەڭ قارت مۇشەسى بولىپ وتىر.

«2020 -جىلعى پارلامەنت سايلاۋىندا بايان- ولگەي ايماعىنان بادەلحان قابدىسىلام ۇلى، اۋباكىر تىلەۋحان ۇلى، بەيسەن بۇلان ۇلى سايلاندى»، - دەپ جازادى اگەنتتىك. بايان-ولگەي ايماعىنان 3 دەپۋتاتتىق مانداتقا 14 كانديدات تالاساتىنى بۇعان دەيىن حابارلانعان بولاتىن.