ءۇندىستاندا نايزاعايدان ءبىر كۇندە جۇزدەن استام ادام كوز جۇمدى

نۇر-سۇلتان. قازاقپارات - ءۇندىستاندا نايزاعاي ءتۇسىپ ءبىر كۇندە 107 ادام قازا بولدى. بۇل تۋرالى Times of India گازەتى جازدى.

باسىلىمنىڭ مالىمەتىنشە، بيحار شتاتىنىڭ 83 تۇرعىنى مەن ۋتتار- پرادەشتەگى 24 ادام تابيعي اپاتتىڭ قۇربانى بولدى. كوز جۇمعانداردىڭ كوبىسى ەگىستىكتەردە جۇمىس ىستەپ جۇرگەن.

ءۇندىستانداعى تابيعي اپاتتارمەن كۇرەس دەپارتامەنتىنىڭ قىزمەتكەرى سانديپ كۋماردىڭ ايتۋىنشا، جاقىندارىنان ايىرىلعان وتباسىلارعا 5,3 مىڭ دوللار كولەمىندە وتەماقى تولەنەدى. ازاماتتاردىڭ قايتىس بولۋىنا بايلانىستى ەلدىڭ پرەمەر- ءمينيسترى نارەندرا مودي كوڭىل ايتتى.