ەكس-اكىم الماتى اۋەجايىنىڭ ماڭىندا زاڭسىز جەر ساتتى دەگەن كۇدىككە ءىلىندى

الماتى. قازاقپارات - الماتى وبلىسى ەڭبەكشىقازاق اۋدانى اكىمىنىڭ ورىنباسارى مەن بۇرىنعى اكىمى قالا اۋەجايىنىڭ ماڭىندا جەر تەلىمدەرىن ساتتى دەگەن كۇدىككە ءىلىندى، - دەپ حابارلايدى سىبايلاس جەمقورلىققا قارسى قىزمەتى.

سونىمەن قاتار، ءىس بويىنشا كۇدىكتىلەر قاتارىندا «تالعار اۋدانى پانفيلوۆ اۋىلدىق وكرۋگى اكىمىنىڭ اپپاراتى» م م-نىڭ بۇرىنعى باس مامانى دا بار ەكەنى حابارلاندى.

«2015-2019 -جىلدار ارالىعىندا پانفيلوۆ اۋىلدىق وكرۋگىنىڭ بۇرىنعى اكىمىنىڭ باسشىلىعى ۇيىمداسقان قىلمىستىق توپ قۇرامىندا تالعار اۋدانى قىزىلتۋ اۋىلى مەن الماتى اۋەجايىنىڭ ماڭىنداعى جەردى مەملەكەتتىك قوردان الدىن الا زاڭسىز الىپ قويۋ ارقىلى ساتىپ الۋشىلاردىڭ پايداسىنا جالپى اۋدانى 12,733 گەكتار تۇرعىن ءۇي نىساندارىن سالۋعا ارنالعان 191 جەر تەلىمىن ساتىپ جىبەرگەن. وسىلايشا ولار مەملەكەتتىڭ قورعالاتىن مۇددەسىنە اۋىر زيان كەلتىردى. تەرگەۋ جالعاسىپ جاتىر. كۇدىكتىلەردىڭ كىناسى تۋرالى سوڭعى شەشىمدى سوت شىعارادى»، - دەلىنگەن حابارلامادا.