نەگە سۋموشىلارعا كولىك جۇرگىزۋگە تىيىم سالىنعان؟
200 نە وداندا كوپ كيلو بولاتىن سۋموشىلاردىڭ دەنەسى، البەتتە، ءىرى. وسى ءبىر سپورت تۇرىمەن اينالىساتىندارعا جاپونيادا كولىك باسقارۋعا بولمايتىنىن ەستىپ پە ەدىڭىز؟
2007-جىلى كەكۋتەنحو ماسارۋ ەسىمدى سۋموشى كولىك جۇرگىزگەنى ءۇشىن جارىستان شەتتەتىلدى. ەشقانداي جول-كولىك ەرەجەسىن بۇزباعانىنا قاراماستان ول سۋمو ەرەجەسىنە قارسى كەلگەن.
جاپونيانىڭ سۋمو قاۋىمداستىعى بىرنەشە وقيعادان سوڭ سۋموشىلارعا كولىك ايداۋعا تىيىم سالدى.
1985-جىلى ميتويدزۋمي ماسايۋكي ەسىمدى سۋموشى ۇلكەن جىلدامدىقپەن جول-كولىك اپاتىنا تۇسەدى. سالدارىنان سۋموشىنىڭ بۋىندارى زاقىمدانعان.
سالماعى اۋىر كەلەتىن سۋموشىلاردىڭ بىلاي دا تىزە بۋىنى ءالسىز بولىپ، كوپ جاراقاتتاناتىن.
ال ميتويدزۋمي ماسايۋكي كولىگىن سوعىپ، اۋىر جاراقات العان سوڭ سپورتپەن قوش ايتىستى.
بۇدان كەيىن تاعى بىرنەشە سۋموشى جول-كولىك اپاتىنا ۇشىراعان سوڭ جاپونيانىڭ سۋمو قاۋىمداستىعى سپورتشىلارىنا كولىك باسقارۋعا تىيىم سالۋدى ءجون كورەدى.
مۇنداي زاڭ تەك جاپونيادا بار. سوندىقتان باسقا ەلدىڭ سۋموشىلارىنا اسەر ەتپەيدى. دەگەنمەن سۋموشىلارعا جۇرگىزۋشى كۋالىگىن الۋعا قيىنعا سوعادى.
لوندوندا الەكساندرا شارران ەسىمدى سۋموشى 30 جىل بويى جۇرگىزۋشى كۋالىگىن الا الماعان. ويتكەنى دەنەسىنىڭ ىرىلىگىنەن كولىككە سىيماعان.
Massaget.kz
