جاڭادان دەنساۋلىق ساقتاۋ ءمينيسترى تاعايىندالدى

نۇر-سۇلتان. قازاقپارات - مەملەكەت باسشىسىنىڭ جارلىعىمەن ق ر دەنساۋلىق ساقتاۋ ءمينيسترى قىزمەتىنە الەكسەي سوي تاعايىندالدى، دەپ حابارلايدى قازاقپارات.

«الەكسەي ۆلاديميروۆيچ سوي قازاقستان رەسپۋبليكاسىنىڭ دەنساۋلىق ساقتاۋ ءمينيسترى بولىپ تاعايىندالسىن» دەلىنگەن پرەزيدەنت جارلىعىنىڭ ماتىنىندە.

مەملەكەت باسشىسىنىڭ جارلىعىمەن ەلجان ءبىرتانوۆ قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىنەن بوساتىلدى. بۇل تۋرالى اقوردانىڭ باسپا ءسوز قىزمەتى حابارلادى.

ەلجان امانتاي ۇلى ءبىرتانوۆ 1971 -جىلعى 18-قازاندا جامبىل قالاسىندا دۇنيەگە كەلدى. الماتى مەملەكەتتىك مەديتسينا ۋنيۆەرسيتەتىن، اريزونا شتاتىنىڭ ۋنيۆەرسيتەتىن، رەسەيدە ديپلومنان كەيىنگى مەديتسينالىق ءبىلىم اكادەمياسىن، شاريتە ۋنيۆەرسيتەتتىك كلينيكاسىن (گەرمانيا)، تۇران ۋنيۆەرسيتەتىن، Duke University, Fugua School of Business (ا ق ش)، Global Executive م ۆ ا ماگيستراتۋراسىن ءبىتىردى. الماتى قالاسىندا جەدەل مەديتسينالىق كومەك اۋرۋحاناسىنىڭ رەانيماتولوگ- دارىگەرى، رەسپۋبليكالىق توكسيكولوگيا ورتالىعىنىڭ باسشىسى، ق ر دەنساۋلىق ساقتاۋ مينيسترلىگىنىڭ باس توكسيكولوگى، ق ر دەنساۋلىق ساقتاۋ مينيسترلىگىنىڭ «دەنساۋلىق ساقتاۋدى دامىتۋ ينستيتۋتى» ر م ك ديرەكتورى، ق ر پرەمەر-ءمينيسترىنىڭ كەڭەسشىسى، «ۇلتتىق مەديتسينالىق حولدينگ» اق باسقارما ءتوراعاسىنىڭ ورىنباسارى، قر دەنساۋلىق ساقتاۋ ۆيتسە- ءمينيسترى، «ۇلتتىق مەديتسينالىق حولدينگ» اق باسقارما ءتوراعاسى بولىپ جۇمىس ىستەدى. 2014 -جىلعى مامىردان باستاپ - مەملەكەتتىك- جەكەمەنشى ارىپتەستىك جوبالارىن سۇيەمەلدەۋ ورتالىعى باسقارماسىنىڭ ءتوراعاسى بولدى. 2015 -جىلعى 12-قاراشادان باستاپ – ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى بولدى. 2017 -جىلعى 25-قاڭتاردان باستاپ قازاقستان رەسپۋبليكاسىنىڭ دەنساۋلىق ساقتاۋ ءمينيسترى قىزمەتىن اتقاردى. قازاقستان رەسپۋبليكاسىنىڭ دەنساۋلىق ساقتاۋ ءىسىنىڭ ۇزدىگى. مەديتسينا عىلىمىنىڭ دوكتورى.