قازاقستاندا تاعى ءبىر وبلىس اكىمى كوروناۆيرۋس جۇقتىردى

قوستاناي. قازاقپارات - قوستاناي وبلىسىنىڭ اكىمى ارحيمەد مۇحامبەتوۆ كوروناۆيرۋس جۇقتىردى، دەپ حابارلايدى قازاقپارات.

وبلىس باسشىسى COVID-19 ينفەكسياسىن جۇقتىرعانىن الەۋمەتتىك جەلىدە جاريالادى.

«قۇرمەتتى قوستانايلىقتار! بارلىق ساقتىق شارالارىنا قاراماستان مەنىڭ COVID-19 عا تاپسىرعان سىناعىم وڭ ناتيجە كورسەتتى. وسىعان بايلانىستى مەن وقشاۋلانۋعا كەتەمىن جانە قاشىقتان جۇمىسىمدى جالعاستىرامىن. وبلىس تۇرعىندارىنان بارلىق قاۋىپسىزدىك شارالارىن ساقتاۋدى سۇرايمىن. تاعى دا جەرلەستەرىمىزدى ايماق اۋماعىندا ەنگىزىلەتىن شەكتەۋ شارالارىن ساقتاۋعا زور جاۋاپكەرشىلىكپەن قاراۋعا شاقىرامىن. بارشاڭىزعا زور دەنساۋلىق جانە اماندىق تىلەيمىن! ءوزىڭىزدى كۇتىڭىز!» - دەپ جازدى ءوڭىر باسشىسى Instagram پاراقشاسىندا.