ۇيدەگى زورلىق-زومبىلىققا قارسى كۇرەس - قوعامدىق ءىس - ايدا بالايەۆا
وندا تۇرمىستىق زورلىق-زومبىلىقپەن قارسى كۇرەس شارالارى قارالۋدا، دەپ حابارلايدى قازاقپارات ءتىلشىسى.
ق ر اقپارات جانە قوعامدىق دامۋ ءمينيسترى ايدا بالايەۆانىڭ سوزىنە قاراعاندا، الەمدىك پروبلەما جىل سايىن ءبىزدىڭ قوعامدا دا وزەكتى بولىپ وتىرعانى وكىنىشتى جاعداي. ەپيدەميا باستالعالى جانە كارانتيندىك شارالار ەنگىزىلگەن ۋاقىتتا ۇيدەگى زورلىق-زومبىلىق 20 پايىزعا ارتقان.
«بۇل جاعداي ءبىزدى الاڭداتىپ وتىر. ۇيدەگى زورلىق-زومبىلىق قوعامدىق رەزونانستى قالىپتاستىراتىنى انىق. كۇن سايىن ب ا ق- تا جانە الەۋمەتتىك جەلىدە وتباسىلىق سۇمدىق جانجالداردىڭ وقيعالارىن كورەمىز. وسى جانجدالدار تراگەديامەن اياقتالىپ، بالالار جەتىمدىكتىڭ تاۋقىمەتىنە تاپ بولىپ جاتادى»، - دەدى ا. بالايەۆا.
وسى ورايدا مينيستر بۇل ماسەلەنى شەشۋمەن جۇيەلى تۇردە مەملەكەت اينالىسىپ جاتقانىن جەتكىزدى. پاندەميا باستالعاننان بەرى وتباسىلىق جانجال شىعارعىشتاردان زارداپ شەگۋشىلەردى قورعاۋ ءۇشىن 37 مىڭعا تارتا قورعاۋ ۇيعارىمى شىعارىلىپ، قۇقىق بۇزۋشىلارعا قاتىستى 5 مىڭنان استام ارنايى تالاپ بەكىتىلگەن.
