عالىم سۇلەيمەنوۆا كوروناۆيرۋسقا قارسى يممۋنيتەتتى قالاي كوتەرۋ كەرەكتىگىن ءتۇسىندىردى

نۇر-سۇلتان. قازاقپارات - استانا مەديتسينا ۋنيۆەرسيتەتى پروفيلاكتيكالىق مەديتسينا جانە نۋتريتسيولوگيا كافەدراسىنىڭ دوتسەنتى روزا سۇلەيمەنوۆا كوروناۆيرۋس ينفەكسياسىنا قارسى يممۋنيتەتتى كوتەرۋ ءۇشىن قانداي شارالار قابىلداۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

«يممۋنيتەتتى كوتەرۋ تاقىرىبىنا توقتالساق، اقۋىزى كوپ تاعامدارعا ءمان بەرۋ كەرەك. ولارعا تاۋىق، جىلقى ەتى مەن بالىق جاتادى. وسىلاردىڭ سورپاسىنىڭ قۇرامىندا اقۋىزدار كوپ. سول سەبەپتى بۇل تاعامداردى مىندەتتى تۇردە ەسكەرگەن ماڭىزدى»، - ر. سۇلەيمەنوۆا.

سونىمەن قاتار ول ءتۇرلى جاڭعاقتاردى الۋ كەرەكتىگىن اتاپ ءوتتى.

«يممۋنيتەتتى كوتەرۋ ءۇشىن 30-40 پايىزىن اقۋىزدان قۇراساق، ەندى قالعان 50-60 پايىزىن كوكونىستەر مەن جەمىس-جيدەكتەر ارقىلى قامتىعان دۇرىس بولادى. جاز ايلارىندا الما، المۇرت، بانان، قۇلپىناي، قاراقات، تاڭقۋراي، يتمۇرىندى كوبىرەك العان ءجون. بۇلار تابيعي ءونىم بولعاندىقتان، س ۆيتامينىنىڭ كوزى»، - دەدى ول.

ونىڭ اتاپ وتۋىنشە، ادامنىڭ كوڭىل- كۇيى يممۋنيتەتتى كوتەرۋگە ەرەكشە اسەر ەتەدى.

«ەگەر كوڭىل- كۇيىمىز جاقسى بولىپ، جىگەرلەنىپ جۇرسەك، يممۋنيتەت تە جاقسى كوتەرىلەدى. سارى ۋايىمعا سالىنىپ جۇرسە، يممۋنيتەت تە السىرەيدى. سوندىقتان ۇنەمى پوزيتيۆتى بولۋ كەرەك»، - دەپ ءتۇسىندىردى ەپيدەميولوگ.

مۇنىمەن قوسا ول پروفيلاكتيكالىق شارالارعا توقتالدى. «كوبىنە دۇكەن مەن ءدارىحاناعا بارامىز. بۇل نىسانداردىڭ كاسسالارىندا كەي جاعدايدا كەزەك بولىپ جاتادى. وسى ورايدا ارا قاشىقتىقتى ساقتاۋعا ءمان بەرگەن دۇرىس. ۇيدەن شىققاندا مەديتسينالىق ماسكانى تاعىپ، ارنايى قولعاپ كيىپ، قولعا انتيسەپتيك الۋ قاجەت. ۇيگە كىرگەن بويدا قولىمىزدى سابىنمەن جۋامىز. بولمەنى كۇنىنە كەمىنە 3-4 رەت جەلدەتكەن ابزال، سونداي-اق ىلعالدى تازالىق شارالارىن جۇرگىزۋگە كەرەك»، - دەدى روزا سۋلەيمەنوۆا.