قاسىم- جومارت توقايەۆ جۇمىس ساپارىمەن ماسكەۋگە باردى

ماسكەۋ. قازاقپارات - بۇگىن مەملەكەت باسشىسى قاسىم- جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتيننىڭ شاقىرۋىمەن ماسكەۋگە جۇمىس ساپارىمەن باردى، دەپ حابارلايدى قازاقپارات.

بۇل جونىندە پرەزيدەنتتىڭ باسپا ءسوز حاتشىسى بەرىك ءۋالي مالىمەت تاراتتى. ەرتەڭ، ياعني، 24 - ماۋسىم كۇنى نۇر- سۇلتان ۋاقىتى بويىنشا ساعات 13:00-دە قىزىل الاڭدا جەڭىستىڭ 75 جىلدىعىنا ارنالعان اسكەري پارادقا قاتىسادى. سونىمەن قاتار قاسىم- جومارت توقايەۆ «بەلگىسىز سولدات» قابىرىنە گۇل شوعىن قويادى جانە جەڭىستىڭ 75 جىلدىعىنا ارنالعان سالتاناتتى قابىلداۋعا قاتىسادى.

قازىرگى اۋىر ەپيدەميولوگيالىق احۋالعا بايلانىستى ماسكەۋ ساپارىنىڭ الدىندا پرەزيدەنت جوسپارلى تۇردە كوروناۆيرۋسقا تەست تاپسىردى. قاسىم- جومارت كەمەل ۇلى بۇعان دەيىن دە مەديتسينالىق حاتتاماعا سايكەس، ۇنەمى تەكسەرۋدەن ءوتىپ كەلەدى.