كوروناۆيرۋسپەن كۇرەسكەن ازاماتتارعا ەسكەرتكىش قويۋ كەرەك - پرەزيدەنت

نۇر-سۇلتان. قازاقپارات - ەلوردادا كوروناۆيرۋسپەن كۇرەسكەن ازاماتتارىمىزدىڭ ەرلىگىنە ارنالعان ەسكەرتكىش قويۋىمىز كەرەك.

بۇل تۋرالى «BIZ BIRGEMIZ» ونلاين فورۋمدا قازاقستان پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«بۇگىنگى فورۋمدا كوروناۆيرۋسپەن كۇرەستىڭ الدىڭعى شەبىندە جۇرگەن ازاماتتارعا شىنايى ريزاشىلىعىمدى بىلدىرگىم كەلەدى. وسىعان وراي مەن «حالىق العىسى» اتتى ارنايى مەدالدى تاپسىرۋدى ۇيعاردىم. بۇل وسىنداي قيىن قىستاۋ ۋاقىتتا ايان ەڭبەك ەتكەن ازاماتتارعا ارنالعان. جاڭا مەملەكەتتىك ماراپات وسىنداي ناعىز وتانشىلىل ازاماتتارعا تاپسىرىلادى دەپ سەنەمىن. بۇگىن «BIZ BIRGEMIZ» جالپى ۇلتتىق ونلاين فورۋمى اياسىندا وسى مەدالمەن ءبىر توپ ازاماتتى ماراپتتايمىز»، - دەدى مەملەكەت باسشىسى.

ق ر پرەزيدەنتى جالپى پاندەمياعا قارسى ناۋقانعا بەلسەندى ات سالىسقان ەل تۇرعىنارى مەملەكەتتىك ناگرادالارمەن ماراپاتتالاتىندىعىن اتاپ ءوتتى.

«وسى ىندەتتەن قۇتىلعان سوڭ ەلوردامىزدا ازاماتتارىمىزدىڭ ەرلىگىنە ارنالعان ەسكەرتكىش قويۋىمىز كەرەك. بارشا قازاقستان ازاماتىنا اماندىق، يگىلىك تىلەيمىن. ءبىز مىندەتتى تۇردە جەڭەمىز. سەبەبى، ءبىز بىرگەمىز!»، - دەدى قاسىم-جومارت توقايەۆ.