قاسىم-جومارت توقايەۆ: ساق جۇرسەڭ، ساۋ جۇرەسىڭ

نۇر-سۇلتان. قازاقپارات - ءار ادام ءوزىنىڭ تۋىستارى مەن جاقىن ادامدارىنىڭ دەنساۋلىعىنا مۇقيات بولۋى كەرەك.

بۇل تۋرالى «BIZ BIRGEMIZ» ونلاين فورۋمدا قازاقستان پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«وسىنداي كۇردەلى كەزەڭدە بارشا جۇرت جاۋاپكەرشىلىك تانىتۋدىڭ قانشالىقتى ماڭىزدى ەكەنىن ءتۇسىندى دەپ ويلامىن. ءار ادام ءوزىنىڭ تۋىستارى مەن جاقىن ادامدارىنىڭ دەنساۋلىعىنا مۇقيات بولۋى كەرەك. بۇل قازىرگى زاماننىڭ تالابى»، - دەدى قاسىم-جومارت توقايەۆ.

مەملەكەت باسشىسى ىندەتتى جەڭۋ ءاربىر ازاماتتىڭ ءوز قولىندا ەكەنىن باسا ايتتى.

«بۇل ەڭ الدىمەن قاراپايىم قاعيدانى ۇستانۋدان باستالادى. بەتپەردە تاعىپ ءجۇرۋ، تازالىق ساقتاۋ جانە الەۋمەتتىك قاشىقتىق ۇستانۋ وتە ماڭىزدى. ويتكەنى، بۇل ءسىزدىڭ جانە وزگە ادامداردىڭ دەنساۋلى ءۇشىن اسا قاجەت. تاعى دا قايتالاپ ايتامىن، «ساق جۇرسەڭ ساۋ جۇرەسىڭ»، «ساقتىقتا قورلىق جوق». سوندىقتان ازاماتتاردى قورعاۋ ءۇشىن ءبىز بارلىق قاجەتتى شارالاردى جەدەل تۇردە قولعا الدىق جانە وسى جۇمىستى ارى قاراي جالعاستىرا بەرەمىز»، - دەدى ق ر پرەزيدەنتى.