اسقار مامين بيزنەسكە ناقتى قانداي باعىتتا كومەك پەن قولداۋ كورسەتىلەتىنىن جاريا ەتتى
«بيزنەس جۇرگىزۋ شارتتارىن جاقسارتۋ ءۇشىن ۇكىمەت زاڭنامالىق بازانى رەتتەپ، كەدەندىك اكىمشىلىكتى ۇنەمى جەتىلدىرۋدە. وسى جىلدىڭ 18- ماۋسىمىندا پارلامەنت سەناتى بيزنەس- احۋالدى جاقسارتۋ بويىنشا زاڭنامالىق باستامالاردىڭ سەگىزىنشى توپتاماسىن قابىلدادى. التى كودەكس پەن 33 زاڭعا 200 گە جۋىق تۇزەتۋ ەنگىزىلدى. اتاپ ايتقاندا جىلجىمايتىن مۇلىككە سالىنعان اۋىرتپالىق تۋرالى اقپارات اشىق بولادى. ەكىنشىدەن، ەلەكتر جەلىلەرىن قوسۋ اياسىندا «ءبىر تەرەزە» قاعيداتىن ەنگىزۋ كوزدەلگەن. ۇشىنشىدەن، تابيعي مونوپوليالار سۋبەكتىلەرىن اقپارات الۋ بويىنشا بارلىق نەسيەلىك بيۋرو ءۇشىن تەڭ جاعدايلار جاسالادى»، - دەدى اسقار مامين ۇكىمەت وتىرىسىندا.
ونىڭ ايتۋىنشا، تورتىنشىدەن ساۋلەت-جوسپارلاۋ تاپسىرماسى، توپوگرافياسى مەن تەحنيكالىق شارتتارى بار جەر تەلىمدەرىن بەرۋ راسىمدەرى دە جەڭىلدەتىلگەن.
«بەسىنشىدەن، قابىلداناتىن تۇزەتۋلەر مونوپولياعا قارسى رەتتەۋدىڭ تيىمدىلىگىن ارتتىرۋعا باعىتتالعان. سونىمەن بىرگە ءبىز بارلىق ءوڭىردىڭ كاسىپكەرلەرىنىڭ ماسەلەلەرىن تالقىلادىق. وسى جۇمىستىڭ قورىتىندىسى بويىنشا بيزنەستى قولداۋ جانە 43 قوسىمشا شارادان تۇراتىن شارالار جوسپارى جاسالدى. بۇل شارالار وتكەن اپتادا وتكىزىلگەن ەكونوميكالىق ءوسىمدى قالپىنا كەلتىرۋ بويىنشا مەملەكەتتىك كوميسسيانىڭ وتىرىسىندا جان-جاقتى تالقىلاندى»، - دەدى ول.
اسقار مامين ءىس-شارالار جوسپارى بيزنەس ۇسىنعان ءبىرقاتار باعىتتى قامتيتىنىن جەتكىزدى.
