قازاقستاندا كوروناۆيرۋستىڭ جەڭىل فورماسى ءجيى تىركەلىپ وتىر
بۇل تۋرالى ق ر دەنساۋلىق ساقتاۋ ءمينيسترىنىڭ زەرتحانالىق قىزمەت بويىنشا كەڭەسشىسى جانار سۇلەيمەنوۆا ايتىپ بەردى، دەپ حابارلايدى قازاقپارات ءتىلشىسى.
ونىڭ ايتۋىنشا، ك ۆ ي جەڭىل فورماسى مەن سيمپتومسىز ءتۇرى كوبىرەك تىركەلىپ جاتىر.
«بۇل اۋرۋ قۇرىلىمىنىڭ گەنەتيكالىق تۇرلەنۋى ءجۇرىپ جاتقانىن كورسەتەدى. ءبىز بايقاعان پنيەۆمونيانىڭ اۋىر تۇرلەرى مۇنداي كوپ كولەمدە تىركەلىپ جاتقان جوق»، - دەدى مينيستر كەڭەسشىسى ورتالىق كوممۋنيكاتسيالار قىزمەتىندە وتكەن ونلاين بريفينگتە.
بۇعان دەيىن ق ر د س م قوعامدىق دەنساۋلىق ساقتاۋ ۇلتتىق ورتالىعى جۇقپالى اۋرۋلاردىڭ الدىن الۋ دەپارتامەنتىنىڭ ديرەكتورى جۇمابەك بەكەنوۆ قازاقستاندا سيمپتومدى جانە سيمپتومسىز ناۋقاستار سانى 27 مىڭنان اسقانىن مالىمدەدى.
«قازىرگى تاڭدا قازاقستان رەسپۋبليكاسىندا 27541 COVID-19 جاعدايى تىركەلىپ وتىر. ونىڭ سيمپتومسىز ءتۇرى - 9809 ادامدا، سيمپتومدى ءتۇرى - 17732 ادامدا. سوڭعى تاۋلىكتە 1471 اۋرۋ تىركەلدى، ونىڭ 507 - سيمپتوممەن، 964 ءى - سيمپتومسىز»، - دەدى ج. بەكەنوۆ.
