نۇر- سۇلتاندا جەدەل جاردەم شاقىرۋشىلار سانى كۇرت ءوستى

نۇر- سۇلتان. قازاقپارات - ەلوردادا جەدەل جاردەم بازاسىنداعى كولل- ورتالىققا جۇگىنۋشىلەر سانى كۇرت ءوستى. بۇل تۋرالى نۇر- سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتىپ بەردى، دەپ حابارلايدى قازاقپارات ءتىلشىسى.

«كولل- ورتالىققا حابارلاساتىندار سانى 3-4 ەسەگە دەيىن ارتتى. وتكەن تاۋلىكتە 3800 قوڭىراۋ تىركەلىپ، 2728 ادامعا قىزمەت كورسەتىلدى. مۇندا دا 2,5 ەسە ءوسىم بايقالادى»، - دەدى سپيكەر ورتالىق كوممۋنيكاتسيالار قىزمەتىندە وتكەن ونلاين بريفينگتە.

باسقارما باسشىسىنىڭ ايتۋىنشا، ينفەكسيالىق جانە پروۆيزورلىق ستاتسيونارلاردى وتتەگى كونسەنتراتتارىمەن جانە وزگە دە مەديتسينالىق قۇرالدارمەن جابدىقتاۋ جۇمىستارى ءجۇرىپ جاتىر.

«بارلىق مەديتسينالىق ۇيىمدار جەكە قورعانىس قۇرالدارىمەن قامتاماسىز ەتىلگەن. دارىلىك پرەپاراتتار دا جەتكىلىكتى كولەمدە بار»، - دەدى س. قيسىقوۆا.

اۆتور: ايجان سەرىكجان قىزى