ازيانىڭ ەڭ باي كاسىپكەرى الەمدەگى ميللياردەرلەردىڭ ۇزدىك وندىعىنا كىردى
قازىرگى تاڭدا ونىڭ بايلىعى 64,6 ميلليارد دوللارعا باعالانىپ وتىر.
ءۇندىستاندىق ميللياردەردىڭ تابىسى ءبىر كۇندە 3,9 ميلليارد دوللارعا ءوسىپ، ول الەمدەگى ەڭ باي ادامداردىڭ ۇزدىك وندىعىنا كىردى.
19-ماۋسىمدا Reliance Industries كومپانياسى Jio سەرۆيسىنىڭ 24,7 پايىز اكسياسىن ساتقان. اتالعان سەرۆيس 4G قىزمەتىن قامتاماسىز ەتەدى. كەلىسىم - 15,2 ميلليارد دوللار بولدى. وسىدان سوڭ Reliance Industries اكسيالارى ءبىر كۇندە 6 پايىزعا ءوستى. ال ناۋرىز ايىنان بەرى اكسيالار 2 ەسەگە ءوستى.
امباني - Forbes رەيتينگىسى بويىنشا الەمدەگى ەڭ باي ادامداردىڭ ۇزدىك وندىعىنا ەنگەن ازياداعى جالعىز ميللياردەر.
الەمدەگى ەڭ باي ادامداردىڭ ءتىزىمىنىڭ كوشباسىندا Amazon كومپانياسىنىڭ نەگىزىن قالاۋشى دجەفف بەزوس (بايلىعى 160 ميلليارد دوللار) تۇر. ەكىنشى ورىندا بيلل گەيتس (108,6 ميلليارد دوللار)، ال ءۇشىنشى ورىندا Louis Vuitton Moet Hennessy كومپانيالار توبىنىڭ پرەزيدەنتى بەرنار ارنو مەن ونىڭ وتباسى (102,8) تۇر.
سونداي-اق، اتالعان تىزىمدە Facebook جەلىسىنىڭ نەگىزىن قالاۋشى مارك سۋكەربەرگ، Berkshire Hathaway ديرەكتورلار كەڭەسىنىڭ ءتوراعاسى ۋوررەن باففەت، Microsoft كومپانياسىنىڭ بۇرىنعى ديرەكتورى ستيۆ بالمەر، Oracle كومپانياسىنىڭ تەڭ قۇرىلتايشىسى لارري ەلليسون، Inditex نەگىزىن قالاۋشى امانسيو ورتەگا، Google كومپانياسىنىڭ تەڭ قۇرىلتايشىسى لاررا پەيدج بار.
