بۇگىننەن باستاپ قازاقستان قالالارىندا دۇكەندەر مەن بازارلاردىڭ جۇمىستارى توقتايدى

نۇر-سۇلتان. قازاقپارات - بۇگىننەن باستاپ قازاقستاننىڭ ءبىرقاتار ءوڭىرى مەن قالالارىندا كارانتيندىك شەكتەۋ شارالارى كۇشەيتىلدى، دەپ حابارلايدى قازاقپارات.

ق ر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمىمەن بۇگىننەن باستاپ مىناداي قوسىمشا شەكتەۋ شارالارى ەنگىزىلدى:

1. نۇر-سۇلتان، الماتى، قاراعاندى، شىمكەنت، پاۆلودار، ەكىباستۇز قالالارى بويىنشا:

• ساۋدا ويىن-ساۋىق ورتالىقتارىنىڭ، ساۋدا ۇيلەرىنىڭ، جەلىلىك دۇكەندەردىڭ، جابىق ازىق-تۇلىك جانە باسقا دا بازارلاردىڭ قىزمەتى توقتاتىلادى؛

• قوعامدىق تاماقتانۋ ورىندارى تەك ءدالاداارى الەۋمەتتىك اراقاشىقتىقتى ساقتاپ قانا جۇمىس ىستەۋى ءتيىس؛

• قوعامدىق كولىكتەردىڭ قىزمەتى شەكتەلەدى؛

• قوعامدىق دەمالىس ورىندارى: پاركتەر، ساياباقتار، جاعالاۋلار، جاعاجايلار، اكۆاپاركتەر قىزمەتى توقتاتىلادى؛

• فيتنەس- ورتالىقتارىنىڭ قىزمەتى توقتاتىلادى؛

• 65 جاستان اسقان ادامداردىڭ دالاعا شىعۋى شەكتەلسىن.

2. تۇرعىندارىنىڭ سانى 50 مىڭنان اساتىن ەلدى مەكەندەر بويىنشا:

• قوعامدىق ورىنداردىڭ: پاركتەر، ساياباقتار، جاعالاۋلار، جاعاجايلار، اكۆاپاركتەر جۇمىسى توقتاتىلادى؛

• 65 جاستان اسقان ادامداردىڭ دالاعا شىعۋى شەكتەلسىن.

3. وڭىرلەردىڭ باس سانيتارلىق دارىگەرلەرىنىڭ قاۋلىلارىنا سايكەس، نۇر-سۇلتان، الماتى، قاراعاندى، شىمكەنت، پاۆلودار جانە ەكىباستۇز قالالارىنا اۋماقتىق جاقىن ورنالاسقان تۋريستىك ايماقتارعا كىرۋگە تىيىم سالۋ ال اتالعان ايماقتارداعى ادامدارعا - الەۋمەتتىك قاشىقتىقتى ساقتاۋ قاجەت.

ۇكىمەت باسشىسى وڭىرلەردىڭ اكىمدىكتەرىنە قىسقا مەرزىم ىشىندە مىنا ماسەلەلەردى پىسىقتاۋدى تاپسىردى:

• مەديتسينالىق ۇيىمدار بازاسىندا قوسىمشا زەرتحانالار اشۋ ارقىلى حالىقتى پ ت ر- تەستىلەۋمەن قامتۋدى كەڭەيتۋ؛

• اۋرۋحانالاردا ينفەكتسيالىق جانە پروۆيزورلىق ورىندار سانىن كوبەيتۋ؛

• مەنشىك نىسانىنا قاراماستان، وڭىردە بار رەسۋرستاردى تارتا وتىرىپ، ناۋقاستاردى ك ت- زەرتتەۋمەن قامتاماسىز ەتۋ؛

• جەدەل مەديتسينالىق جاردەم ستانتسيالارىنىڭ شۇعىل جانە كەزەك كۇتتىرمەيتىن شاقىرۋلارعا ۋاقىتىلى قىزمەت كورسەتۋىن قامتاماسىز ەتۋ؛

• ۇيلەرىندە جاتقان پاتسيەنتتەرگە امبۋلاتورلىق- ەمحانالىق كومەك دەڭگەيىندە ساپالى ديناميكالىق باقىلاۋ جاساۋ (قاشىقتان، ءموبيلدى بريگادالاردىڭ كومەگىمەن)؛

• حالىققا بەلسەندى اقپاراتتىق-ءتۇسىندىرۋ جۇمىستارىن جۇرگىزۋ.

ەسكە سالساق، قر پرەمەر- ءمينيسترى اسقار ماميننىڭ توراعالىعىمەن ق ر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسى ءوتتى.

ق ر پرەزيدەنتى قاسىم-جومارت توقايەۆتىڭ تاپسىرماسىنا سايكەس قازاقستانداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالار قارالعان بولاتىن.

پرەزيدەنت قاسىم-جومارت توقايەۆۇكىمەت ەپيدەميولوگيالىق جاعدايدى تۇراقتاندىرۋ شارالارىن جاريالايدى دەگەن ەدى.