ەلباسى ۆلاديمير پۋتينمەن تەلەفون ارقىلى سويلەستى
اڭگىمە بارىسىندا ۆلاديمير پۋتين نۇرسۇلتان نازاربايەۆقا قولداۋ ءبىلدىرىپ، ۆيرۋستى جەڭۋىن جانە تەزىرەك ساۋىعىپ كەتۋىن تىلەدى. ەلباسى رەسەي فەدەراتسياسىنىڭ پرەزيدەنتىنە الداڭداۋشىلىق تانىتىپ، جىلى لەبىزدەرىن جولداعانى ءۇشىن شىن جۇرەكتەن ريزاشىلىعىن ءبىلدىردى.
نۇرسۇلتان نازاربايەۆ ۆلاديمير پۋتيندى جانە رەسەي حالقىن كەلەسى اپتادا ماسكەۋ قالاسىندا ۇلى وتان سوعىسىنداعى جەڭىستىڭ 75 جىلدىعىن مەرەكەلەۋگە وراي وتەتىن سالتاناتتى ءىس- شارالارمەن قۇتتىقتادى.
بۇدان بۇرىن ۆلاديمير پۋتين نۇرسۇلتان نازاربايەۆقا تەزىرەك ساۋىعىپ كەتۋىن تىلەپ، تەلەگرامما جولداعانى حابارلانعان ەدى.
ەسكە سالايىق، 18 - ماۋسىمدا ەلباسىنىڭ كوروناۆيرۋسقا جاساعان پ ت ر- تەستى وڭ ناتيجە كورسەتتى. ق ر تۇڭعىش پرەزيدەنتى - ەلباسىنىڭ باسپا ءسوز حاتشىسى ايدوس ۇكىباي نۇرسۇلتان نازاربايەۆتىڭ دەنساۋلىعى مەديتسينا قىزمەتىنىڭ باقىلاۋىندا ەكەنىن حابارلادى.
