پرەمەر-مينيستر مەن ءبىرقاتار مينيستردەن كورونوۆيرۋس انىقتالعان جوق
COVID-19-عا جاسالعان اقىرعى تالداۋ ناتيجەسى تەرىس قورىتىندى بەردى.
بۇل تۋرالى قازاقپارات پرەمەر-ءمينيستردىڭ كەڭەسشىسى - باسپا ءسوز حاتشىسى سادىق اكەجانوۆقا سىلتەمە جاساپ حابارلايدى. سونداي-اق، بۇعان دەيىن ءوزىن-ءوزى وقشاۋلاعان ءبىلىم بەرۋ ءمينيسترى اسحات ايماعامبەتوۆ، اۋىل شارۋاشىلىعى ءمينيسترى ساپارحان وماروۆ، ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ وسىنداي پروتسەدۋرادان ءوتتى.
بارلىعىنان COVID-19-عا تەرىس ناتيجە الىندى. وسىعان بايلانىستى ۇكىمەت باسشىسى مەن مينيسترلەر جۇمىس كەستەسىن شتاتتىق رەجيمدە جالعاستىرادى.
قازىرگى ۋاقىتتا ۇكىمەت وتىرىستارى مەن بارلىق كەڭەستەر سەلەكتورلىق رەجيمدە وتۋدە. ۇكىمەت پەن مينيسترلىكتەر ءۇيىنىڭ عيماراتتارىندا سانيتارلىق ءتارتىپ كۇشەيتىلدى، قاۋىپسىزدىك شارالارى قاتاڭداتىلدى، قىزمەتكەرلەردىڭ %80 ى قاشىقتان جۇمىس ىستەۋگە كوشتى.
ەسكە سالا كەتسەك، وسىدان ءبىراز كۇن بۇرىن دەنساۋلىق ساقتاۋ ءمينيسترى ەلجان ءبىرتانوۆ Facebook-پاراقشاسىندا كوروناۆيرۋس جۇقتىرعانىن حابارلاعان ەدى. 12- ماۋسىمدا ق ر پرەمەر- ءمينيسترى اسقار مامين جامبىل وبلىسىنا جۇمىس ساپارىمەن بارىپ قايتقان. وندا دەنساۋلىق ساقتاۋ ءمينيسترى ە. ءبىرتانوۆ تا بولعان.
وسىعان بايلانىستى ۇكىمەت باسشىسى وقشاۋلانۋعا ءماجبۇر بولىپ وتىر. ارىپتەستەرىمەن بىرگە ءبىلىم جانە عىلىم ءمينيسترى اسحات ايماعامبەتوۆ، اۋىل شارۋاشىلىعى ءمينيسترى ساپارحان وماروۆ پەن ق ر ەكولوگيا، گەولوگيا جانە تابيعي رەسۋستار ءمينيسترى ماعزۇم مىرزاعاليەۆ ءوز ۇيلەرىندە وقشاۋلاندى.
