21:16, 18 - ماۋسىم 2020 | GMT +5
حالىقارالىق عارىش ستانسياسىنداعى اۋا قۇرامىندا بەنزول ارتتى
نۇر-سۇلتان. قازاقپارات - حالىقارالىق عارىش ستانساسىنداعى اۋا قۇرامىندا بەنزول دەڭگەيى ارتتى، دەپ حابارلايدى «حابار 24».
NASA ماماندارى بۇعان مودۋلدەگى اۋا تازارتقىشتارى سەبەپ بولۋى مۇمكىن دەيدى. ەندى بەنزول مولشەرىن ازايتۋ ءۇشىن استروناۆتتار اۋا تازارتقىشتاردىڭ ورنىنا كومىر فيلترلەرىن قولدانباق. قازىر ەكيپاجدىڭ دەنساۋلىعىنا قاۋىپ- قاتەر تونبەۋ ءۇشىن بەنزولدىڭ مولشەرى قاتاڭ باقىلاۋدا.
ەستەرىڭىزگە سالايىق، ماماندار وسى ايدىڭ باسىندا اۋاداعى بەنزول مولشەرىنىڭ وزگەرگەنىن بايقاعانمەن، ونىڭ كونتسەنتراتسياسى شەكتى نورمادان اسپاعانىن حابارلاعان ەدى.
