قازاق ەلى نۇرسۇلتان ءابىش ۇلىنىڭ ساۋىعىپ كەتۋىنە تىلەكتەس - باۋىرجان جامالوۆ
تەك ەلىمىزدىڭ ەمەس، الەمدى الاڭداتىپ وتىرعان ىندەتتىڭ بەتى قايتارىنا سەنىمدىمىز، دەيدى «AZALA Textile « فابريكاسىنىڭ ديرەكتورى باۋىرجان جامالوۆ.
«بۇگىندە قازاقستان ن. نازاربايەۆتىڭ ارقاسىندا بىرلىك پەن قوعامدىق كەلىسىمنىڭ التىن بەسىگىنە اينالدى. ەلىمىزدەگى تاتۋلىق پەن ىنتىماقتىڭ بىرەگەي ۇلگىسىن جاھان جۇرتشىلىعى زەردەلەپ، «قازاقستاندىق جول» جانە «نازاربايەۆ مودەلى» دەپ باعا بەرەدى. ەلباسىنىڭ سالعان سارا جولىنا الەمدىك ساياساتكەرلەر مەن عالىمدار تاراپىنان قىزىعۋشىلىق جوعارى. تۇڭعىش پرەزيدەنتتىڭ باستامالارى مەن يدەيالارى تەرەڭ زەرتتەۋلەرگە ارقاۋ بولىپ، وعان حالىقارالىق دەڭگەيدەگى جەتەكشى بۇقارالىق اقپارات قۇرالدارىنىڭ نازارى كۇشەيىپ وتىر. ەلباسى جەر-جاھانعا مەملەكەتتىڭ بەيبىت جانە يادرولىق قارۋسىز ساياساتىن پاش ەتىپ، قازاقستاندى جوعارى حالىقارالىق دەڭگەيگە شىعاردى. ۇلى دالا ەلى ءۇشىن تۇڭعىش پرەزيدەنتىمىز ن. نازاربايەۆتىڭ ورنى قاشاندا ەرەك. قازاق ەلى نۇرسۇلتان ءابىش ۇلىنىڭ ساۋىعىپ كەتۋىنە تىلەكتەس»، دەيدى «AZALA Textile « فابريكاسىنىڭ ديرەكتورى.
