ايدوس ۇكىباي ەلباسىنىڭ قازىرگى دەنساۋلىعى جايلى ايتىپ بەردى

نۇر-سۇلتان. قازاقپارات – ق ر تۇڭعىش پرەزيدەنتى - ەلباسىنىڭ باسپا ءسوز حاتشىسى ايدوس ۇكىباي نۇرسۇلتان نازاربايەۆتان كوروناۆيرۋس انىقتالعانىنا قاتىستى پىكىر ءبىلدىردى، دەپ حابارلايدى قازاقپارات اگەنتتىگى.

«اي باستالعالى نۇرسۇلتان نازاربايەۆتىڭ جۇمىس كەستەسى وتە تىعىز بولدى. ەلباسى ەكىجاقتى كەلىسسوزدەر جۇرگىزىپ، رەسمي تۇلعالاردى قابىلدادى. وعان قوسا، تۇڭعىش پرەزيدەنت وتاندىق جانە شەتەلدىك ب ا ق وكىلدەرىنە سۇحبات بەردى. جالپى العاندا تەلەۆيزيالىق ءتۇسىرىم ءۇشىن 40 ادام جۇمىس ىستەدى، ونىڭ ىشىندە شەت ەلدىڭ ازاماتتارى دا بار. نۇرسۇلتان نازاربايەۆتىڭ جاعدايىن مەديتسينا قىزمەتكەرلەرى باقىلاپ وتىر. الاڭداۋعا نەگىز جوق. ەلباسى زاماناۋي كوممۋنيكاتسيا ارنالارىن پايدالانىپ قاشىقتان جۇمىس ىستەپ جاتىر. بەكىتىلگەن حاتتاماعا سايكەس، تۇڭعىش پرەزيدەنتتىڭ باسقا تۇلعالارمەن بايلانىسى شەكتەلدى. ەلباسى قاتىساتىن جوسپارلانعان كەيبىر ءىس-شارالار بەينەكونفەرەنسبايلانىس تۇرىندە ونلاين رەجيمدە وتەدى. رەسمي حابار تاراعان العاشقى مينۋتتان باستاپ تۇڭعىش پرەزيدەنتتىڭ دەنساۋلىعىنا الاڭداعان جانە تەزىرەك ساۋىعىپ كەتۋىن تىلەگەن ازاماتتاردان حات الىپ جاتىرمىز. مەنىڭ تەلەفونىم حابارلاسقاندار مەن مەسسەندجەرلەردەن كەلگەن حابارلاماعا تولىپ قالدى. جۋرناليستەر، دوستار، تۋىستار، ارىپتەستەر حابارلاسىپ ەلباسىعا كۇش-قۋات پەن مىقتى دەنساۋلىق تىلەپ جاتىر. ولاردىڭ قاتارىندا جاقىن جانە الىس شەتەلدەن حابارلاسقاندار بار. تۇڭعىش پرەزيدەنتكە مەملەكەت باسشىسى قاسىم-جومارت توقايەۆ ا قولداۋ ءبىلدىردى، ەلىمىزدىڭ بارلىق ايماعىنان ەلباسى كەڭسەسىنە جەدەلحات كەلىپ ءتۇسىپ جاتىر. نۇرسۇلتان نازاربايەۆ قازاقستاندىقتار مەن بارلىق الاڭداپ وتىرعان ادامدارعا العىس بىلدىرەدى».